Robert Koçaryan: seçkilər pul kisələrinin davası olacaq

Robert Koçaryan: seçkilər pul kisələrinin davası olacaq
eni konstitusiya üzrə Ermənistanda parlament idarəçilik sisteminin tətbiq edilməsini nəzərdə tutan parlament seçkiləri siyasi mübarizə yox, “zorbalıq atmosferində pul kisələrinin davası olacaq”, Ermənistanın sabiq prezidenti Robert Koçaryan deyib.

Koçaryan aprel ayının 2-də keçiriləcək parlament seçkiləri ilə bağlı çoxdan müsahibə vermək vədlərinə baxmayaraq, ölkədə mövcud durumda siyasi proseslərə qarışmamaq qərarına gəldiyini deyir.

“Doğrusu, son günlər mən nə isə yazıb, heç olmasa ən aktual sualları cavablandırmaq fikrində olmuşam. Lakin mövcud gerçəkliklərə tam bələd olaraq, nə bugünkü siyasi prosesləri şərh etmək həvəsindəyəm, nə də, ələlxüsus, onlarda iştirak etmək”, – Ermənistanın ikinci prezidenti öz saytında söyləyib.

Robert Koçaryan 2015-ci il konstitusiya dəyişikliyini Ermənistan üçün uzunmüddətli neqativ nəticələr ehtiva edən böyük səhv hesab edir.

O, yeni seçki məcəlləsinin, xüsusilə, partiyaların seçkilərdə məhəlli siyahıları üzrə iştirakının “bizim seçki sisteminə xas olan ən neqativ təzahürlərin kartalizatoru”na çevriləcəyini bildirib.

“Əslində, şübhə yox ki, majoritar seçkilər məntiqi proporsional üzərində üstünlük təşkil edəcəkdir. Partiyalararası rəqabət fərdlər arasında mübarizə sayəsində arxa plana atılıb və bu, parlament modeli şəraitində seçkiqabağı mübarizənin üstünlüklərini heçə çıxarır”, – o deyib.

Koçaryan bu seçkilərdə ideoloji mübarizənin heç bir əhəmiyyəti olmayacağını qeyd edir.

Onun sözlərinə görə, dərc edilmiş məhəlli partiya siyahıları bunun bariz sübutudur.

“Bu, zorbalıq atmosferində pul kisələri davası olacaq. Bir halda ki, seçicilərin bir çoxu elə ağır sosial vəziyyətdədir ki, puldan [seçki rüşvətindən – BBC] imtina edə bilməyəcək və güman ki, səslər hərracına qatılacaqlar. Bütün bunların nəyə gətirəcəyini duymaq çətin deyil”, – Koçaryan deyib.

(bbc azəri)

Robert Koçaryan: seçkilər pul kisələrinin davası olacaq

  • 6-03-2017, 21:32
  • 270


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Vaqif Əliyevin qohumlarının tender talanı???-VİDEO
  2. Dünyanın ən çox spirtli içki içilən ölkələri – SİYAHI
  3. Sabah hava necə olacaq –Proqnoz
  4. Adil Vəliyev "SAĞ ƏLİ"Nİ azadlığa çıxardı - 280 min rüşvətlə tutulmuşdu...
  5. Göyçayda "Nar" festivalı keçirilib - FOTO/VİDEO
  6. “Cinayət törətməkdə şübhəli bilinən 44 nəfər saxlanılıb” –DİN açıqlama yaydı
  7. Avropa Şurasına sədrlik Gürcüstana keçəcək –Noyabrın 27-dən
  8. Gəncədəki qətllə bağlı DİN və Prokurorluq məlumat yaydı
  9. MSK sədri vəd verdi:“Bələdiyyə seçkiləri tam demokratik şəkildə keçiriləcək”
  10. Ərdoğan ABŞ-a səfər edib –Trampla görüşdə nələr müzakirə olunacaq?
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 
MARAQLI