Bakı sakini: 'Həkimlər infeksiyaya yoluxdurub, ölürəm...'

Bakı sakini: 'Həkimlər infeksiyaya yoluxdurub, ölürəm...'

"Xəstə səhiyyə". Karikatura. Şerif.

“Həkimlər infeksiyaya yoluxdurub, ölürəm, dərdimə çarə edən yoxdur. Bunu onlara bağışlamayacam”.

“Qaynar xətt”ə danışan Yaşar İsayevin durumu ağırdır. Onun sözlərinə görə, bu yaxınlarda Bakıdakı xəstəxanalardan birində həkimlər onu inyeksiya yolu ilə infeksiyaya yoluxdurublar.

“GÜNAH HƏKİMLƏRİNDİR”

Yaşar İsayevin sözlərinə görə, ötən ay 6 saylı Birləşmiş Şəhər Xəstəxanasında müalicə olunarkən əzələdaxili iynələrdən orqanizminə infeksiya ötürülüb. Vəziyyəti ağırlaşıb və həkimlərin onu xilas edəcəyinə ümidi qalmayan xəstə həkim personalı ilə dalaşaraq xəstəxananı tərk edib:

"Qalmışdım palatanın bir küncündə, hərarətdən huşumu itirmişdim. Ailəm hay-küy salandan sonra həkimlər başıma toplaşdı. Əvvəl günahı öz boynuma yıxmaq istədilər. Dedilər, xəstə pəncərələri açıb, özünü soyuğa verib. Həyat yoldaşım iynə vurulmuş yerimdə böyük bir hissənin kömür kimi qaraldığını görəndə başa düşdük ki, günah mənim yox, həkimlərindir".

Ailə üzvləri xəstəni həmin xəstəxanadan çıxarandan sonra başqa iki xəstəxanaya aparıblar. Ancaq heç birində xəstənin tam sağalacağına zəmanət verilməyib. Əsasən də yüksək hərarət və hər gün artan ağrılar xəstənin durumunu daha da ağırlaşdırır.

“XƏSTƏNİ QAYTARSINLAR, TAM SAĞALDAQ”

6 saylı Birləşmiş Şəhər xəstəxanasındansa "Qaynar xətt"ə bildirilib ki, xəstəyə infeksiya keçib, ancaq xəstə müalicənin davam etdirilməsinə və problemin aradan qaldırılmasına imkan verməyib:

"Bilmirik, infeksiya necə keçib. Heç aydınlaşdırmağa da imkan vermədilər. Müalicə vaxtı belə şeylər olur. Ancaq xəstə və ailəsi səbirsiz davrandı. Həkimlər müalicəni davam etmək istəyirdilər, səs-küy saldılar, xəstəni götürüb getdilər. Xəstəni qaytarsınlar xəstəxanaya, tam sağaldaq, ayağa qaldıraq".

Səhiyyə Nazirliyindən "Qaynar xətt"ə bildirilib ki, İsayevlər ailəsi quruma rəsmi müraciət etsə, məsələ araşdırılar.
AzadlıqRadiosu

Bakı sakini: 'Həkimlər infeksiyaya yoluxdurub, ölürəm...'

  • 27-04-2017, 16:54
  • 105


Oxşar mövzular
ƏN ÇOX OXUNANLAR
Həftə üzrə / Ay üzrə
  1. "Aşıq Pəri Məclisi" “Azərxalça” ASC-nin İsmayıllı filalında xalçaçı xanımlarla görüşüb
  2. Norveç Azərbaycandakı səfirliyini niyə bağlamalı oldu?!
  3. “Regionlarda ailə dəyərlərinin təbliği ilə bağlı tədbirlərin təşkili” layihəsinin yekun təqdimat tədbiri keçrildi
  4. Bizim fərqimiz -Ənvər Ağazadədən siyasi iddia
  5. Qazi qardaşları Baş qazi Etimad Əsədova cümə axşamı mərasimi keçirdi.+VİDEO
  6. Əli Abbasovun da Londonda əmlakı ortaya çıxdı? - Sabiq nazirin oğlu açıqlama yaydı
  7. Dövlət Qeydiyyat İmtahan idarəsi, yoxsa Məlixanın kolxoz bazarı..? - Cavabsız qalan VİDEO görüntülər
  8. Abel Məhərrəmovu BDU-da kim əvəzləyir? - AÇIQLAMA
  9. ''Neftçala İcra Hakimiyyətinin başçısı məndən 70 min manat alıb'' - VİDEO
  10. HÜSEYN CAVİD İNSAN HAQQINDA ( Üçüncü yazı)
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
MARAQLI