İraq Türkiyə və İranın dəstəyilə 4 sərhəd-keçid məntəqəsinənəzarəti təmin edəcək

İraq Türkiyə və İranın dəstəyilə 4 sərhəd-keçid məntəqəsinənəzarəti təmin edəcək
İraq yaxın günlərdə Türkiyə və İran ordularının da dəstəyi ilə Şimali İraq Kürdüstan Muxtariyyətinin nəzarətindəki 4 sərhəd keçid məntəqəsini geri almağa hazırlaşır.

APA-nın Türkiyənin “Vatan” qəzetinə istinadən verdiyi məlumata görə, İraq hökuməti bununla bağlı Türkiyə və İrana müraciət edib.

Hazırda İraq xüsusi təyinatlıları Silopidə Habur sərhəd-keçid məntəqəsi yaxınlığında Türkiyə hərbçiləri ilə birgə hərbi təlim keçir. İraq xüsusi təyinatlılarının Habur sərhəd-keçid məntəqəsinə nəzarəti təmin etmək üçün keçirəcəyi əməliyyata Türkiyə hərbçiləri də dəstək verəcək.

Bu gün İran da İraqın bu yöndə istəyinə müsbət cavab verib. Bu gün Tehranda İraq Silahlı Qüvvələrinin komandanlarının toplantısı keçirilib. APA-nın “Tasnim” agentliyinə istinadən verdiyi məlumata görə, toplantıdan sonra İraq Silahlı Qüvvələrinin sözçüsü general Cezairi bildirib ki, İraq hökumətinin müraciəti müzakirə edilib və İraq hərbçilərinin İraq-İran sərhədində yerləşən 3 sərhəd keçid məntəqəsində yerləşdirilməsinin həyata keçirilməsi üçün lazımi qərarlar qəbul edilib. Eyni zamanda yaxın günlərdə İran-İraq sərhədində birgə hərbi təlimlərə başlanacağı da açıqlanıb.

Qeyd edək ki, İraqın İranla sərhəddə yerləşən Hacı Omeran-Temerçin, Başmak və Peravizhan sərhəd-keçid məntəqələri Şimali İraq Kürdüstan Muxtariyyətinin silahlı qüvvələri olan peşmərgənin nəzarətindədir. Sentyabrın 25-də müstəqilliklə bağlı referendumun keçirilməsindən sonra Şimali İraq Kürdüstan Muxtariyyəti ilə mərkəzi İraq hökuməti arasında münasibətlər gərginləşib. İraq hökuməti peşmərgənin Kərkük və Mosuldakı bölgələrdən, Türkiyə ilə sərhəddəki 1, İranla sərhəddəki 3 sərhəd-keçid məntəqəsindən geri çəkilməsini, Ərbil və Süleymaniyyə beynəlxalq hava limanlarının İraq hökumətinin nəzarətinə verilməsini tələb edib. Ancaq Şimali İraq Kürdüstan Muxtariyyətinin lideri Məsud Bərzani bu tələbləri yerinə yetirməyəcəklərini bəyan edib.

Xeberdar.net

İraq Türkiyə və İranın dəstəyilə 4 sərhəd-keçid məntəqəsinənəzarəti təmin edəcək

  • 1-10-2017, 14:18
  • 312


Oxşar mövzular
ƏN ÇOX OXUNANLAR
Həftə üzrə / Ay üzrə
  1. İqbal Ağazadə koronavirusdan ölən baş redaktordan yazdı: "Füzulimi yaddaşlara köçürən son oğlan"
  2. Elman Abbasov: "Proseslərin bu şəkildə davam etməsi ciddi problemlərə gətirib çıxara bilər"
  3. "Boş boş şüarlar və pafoslu çıxışlarla özlərində siyasi lider obrazı yaradıb milləti yola verməklə məşğuldurlar."- HÜRRÜ ƏLİYEV
  4. Təhsil Naziri Ceyhun Bayramova MÜRACİƏT…
  5. 30 iyunda gözlənilən hava şəraiti
  6. Qobustanda taxıl biçini davam etdirilir - FOTOLAR
  7. Polis əməliyyat keçirdi, saxlanılanlar var –DİN
  8. Azərbaycan Hərbi Dəniz Qüvvələrinə yeni komandan təyin edilib
  9. Deputatın mülkləri - siyahı
  10. Siyəzəndə quş ətinin çəkisini su vuraraq artıran müəssisə aşkarlanıb - VİDEO
«    İyul 2020    »
BeÇaÇCaCŞB
 12345
6789101112
13141516171819
20212223242526
2728293031 
MARAQLI