Xaçmazda Təhsil Şöbəsinin müdirəsi parkı zəbt edib

Xaçmazda Təhsil Şöbəsinin müdirəsi parkı zəbt edib


Xaçmaz rayon Təhsil Şöbəsinin müdirəsi parkı qanunsuz yolla zəbt edib.

Xeberdar.net TİA.AZ-a istinadən xəbər verir ki, Torpaq Məcəlləsində xüsusi maddə var - ümumi istifadədə olan torpaq sahələri fərdi qaydada fiziki şəxslərə satıla bilməz. Ancaq RTŞ müdirəsi Mədinə Nurməmmədova torpağı əldə edərək, oğlunun adına sənədləşdirib.
Xaçmaz bələdiyyəsinin üzvü Turab Ələkbərov M.Nurməmmədovanı məhkəməyə verməyə hazırlaşır. Rayonun Heydər Əliyev prospektindəki 3 saylı tam orta məktəbin qarşısındakı kiçik parkda başlayan tikinti işləri həm Xaçmaz sakini, həm də bir bələdiyyə üzvü kimi onu narahat edib.
T.Ələkbərov şagirdlərin və valideynlərin istifadə etdikləri bu kiçik park sahəsinin vaxtilə bələdiyyənin balansında olduğunu deyir. Bələdiyyə üzvünün sözlərinə görə, park hasarlanıb, rayon təhsil şöbəsinin müdiri orda oğluna obyekt tikdirməyə hazırlaşır.
Məlumatda qeyd olunur ki, məktəb 50 ilə yaxındır fəaliyyət göstərir. Qarşısındakı bu kiçik park həm məktəblilərin, həm də ümumi istifadə torpaq sahələrinə aiddir. Kiçik bir park da olsa əhalinin istifadəsində idi. M.Nurməmmədova özü vaxtilə həmin orta məktəbin direktoru olub. Təqribən 4-5 il əvvəl bu kiçik parkın ərazisini başqası almaq istəyəndə RTŞ rəhbəri buna etiraz edib ki, ordan şagirdlər, valideynlər istifadə edir. Ancaq bu yaxınlarda ortaya çıxan sənəd parkın özü tərəfindən işğal olunduğunu sübut etdi.
O, ərazini indi alsa da, sənədləşmənin tarixini saxtalaşdıraraq, 2005-ci ilə qeyd etdirib. Bələdiyyə üzvü deyir ki, kiçik park məktəbin giriş hissəsinin yaxınlığına düşür. Bir qədər əvvəl kiçik parkı hasarlamaq istəyəndə qarşıdurma da yaranıb. T.Ələkbərov hesab edir ki, torpaq sahəsi bələdiyyənin balansına qaytarılmalı və ümumi istifadəyə verilməlidir.
Bələdiyyə üzvünün sözlərinə görə, polis məsələnin məhkəmə predmeti olduğunu bildirib və məhkəməyə müraciət etməsini tövsiyə edib. Rayon təhsil şöbəsinin müdiri isə bələdiyyə üzvünün ittihamlarını rədd edir:
“ÖZÜ DƏ MƏNİM ADIMA DEYİL Kİ, UŞAĞIN ADINADIR. Hansı xəritə ilə təsdiqlənir ki, ora məktəbə aiddir? Sağı da, solu da götürülüb, tikilib, mən götürəndə məlum oldu ki, məktəbin yeridir? Sağına da baxın, soluna da. Boş yer kimi ortada qalıb. Oranın şagirdə heç bir maneçiliyi yoxdur”.
Torpaq sahəsində tikinti aparılmasına dair sərəncamı Xaçmaz rayon icra hakimiyyətinin başçısı Şəmsəddin Xanbabayev verib. Bələdiyyə üzvü isə iddialarını Xaçmaz rayon Məhkəməsinə çıxaracağını deyir.

Xaçmazda Təhsil Şöbəsinin müdirəsi parkı zəbt edib

  • 31-05-2015, 17:44
  • 1 079


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Korona xəstələrini sağaldan amerikalı həkim HƏR ŞEYİ AÇDI: Ən effektiv dərman budur və yoluxmamaq üçün...
  2. İqbal Ağazadə: "Ərzaq üçün müraciət edən hər bir ailəyə üzvlərinin sayına uyğun qida rasionu müəyyən edilməli, evlərə çatdırılmalıdır"
  3. Gilanın "qanlı bağı"-VİDEO
  4. Türkiyədən koronovirusla bağlı müjdəli xəbər: 6 aprel tarixində....
  5. Bu gündən bu şəxslər xidməti vəsiqə və ya iş yeri barədə arayışla evdən çıxa biləcək - SİYAHI
  6. Salyan Rayonunda koronavirus pandemiyası ilə mübarizəyə dəstək olmaq məqsədi ilə tibbi maskaların tikilməsinə başlanıb
  7. Azaqlıq Aşiqi - Ələkbər Talıbov
  8. Prezident Sumqayıt yolundakı vəziyyətə baxdı FOTO
  9. Rusiyanın ABŞ-a göndərdiyi tibbi ləvazimatlarla bağlı qalmaqal – Sanksiya qoyulan zavodda istehsal olunub
  10. Siyasi partiyadan təqdirəlayiq addım- ehtiyacı olan ailələrə yardım edildi
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930 
MARAQLI