İranın Cənubi Xorasan vilayətində sərnişin avtobusu qəzaya uğrayıb.
Moderator.az xəbər verir ki, insident nəticəsində 9 nəfər həlak olub, 36 nəfər xəsarət alıb.
"Tasnim" agentliyinin xəbərinə görə, 45 sərnişini olan avtobus Deyhuk-Firdovs yolunda aşıb. Avtobus Qaçsarandan Məşhədə doğru gedirmiş.
"Avtobus səhərə yaxın aşıb. İnsident nəticəsində 9 nəfər həlak olub",-deyə yol polisinin məlumatında qeyd edilib.
Yaralılar Təbəs və Firdovs şəhərlərindəki xəstəxanalara yerləşdirilib. 3 nəfərin yarası yüngül olduğu üçün hadisə yerində yardım edilib.
Xeberdar.net