" İstanbul Azerbaycan Kültür Evi" tərəfindən iyulun 14-də start götürmüş Azərbaycan Xalq Cumhuriyyətinin 100 illiyinə həsr olunmuş səfər iyulun 21-də sona çatıb. "
İstanbul Azerbaycan Kültür Evinin" başqanı Hikmet Elpin redaksiyamıza verdiyi məlumata görə səfər sırf Azərbaycanı tanıtmaq missiyası çərçivəsində gerçəkləşib. 8 günlük və 25 nəfəri əhatə edən səfər proqramı əsnasında Bakıda, Qobustanda, Gəncədə, Göygöldə, Şəkidə və Şamaxıda olan soydaşlarımız Azərbaycanın həm tarixi məkanları, həm təbiəti, həm də Cumhuriyyət dəyərlərimizi özündə ehtiva edən məkanlarda olmuşlar. Bununla yanaşı Bakıdakı Atatürk mərkəzində Turan Araşdırma İctimai Birliyi ilə birgə Cumhuriyyətin 100 illiyinə həsr olunmuş geniş konfrans da keçirilmişdir. İstanbul Azərbaycan Kültür Evi artıq 6- cı dəfədir ki, Ata Yurd Azərbaycanı tanıtmaq üçün xüsusi səfərlər təşkil edir və Türkiyəli qardaş və bacılarımızı Azərbaycanla tanış edir. H.Elp dahasonra bildirib ki, qarşıdakı aylarda bu səfərlərin yenə də davam etdirilməsini düşünürük. Çünki qardaş Türkiyədə hələ Azərbaycan gerçəklərini, onun gözəlliklərini kifayət qədər tanımırlar. Ümid edirik ki, bu səfərlər həmin istiqamətdə təsirli olacaqdır
