Paşinyan Koçaryan və Sarqsyanı “siyasi meyit” adlandırıb

861 16-09-2018, 11:10 dunya

Paşinyan Koçaryan və Sarqsyanı “siyasi meyit” adlandırıbErmənistanın baş naziri Nikol Paşinyan bildirib ki, sabiq prezidentlər Robert Koçaryan və Serj Sarqsyan siyasi meyitdir.“Report” yerli erməni KİV-inə istinadən xəbər verir ki, bunu o, Nor-Nork rayonunda seçiciləri ilə görüşündə deyib.

“Ermənistanda Robert Koçaryan adında siyasi amil yoxdur. Həm Serj Sarqsyan, həm də Robert Koçaryan və onların ətrafı siyasi meyitdirlər. Lakin bu, siyasi meyitlərin qanun qarşısında məsuliyyət daşımamaları anlamına gəlmir. Və bu, özlüyündə hər şeyi deyir”, – deyə o əlavə edib.
Ermənistan hökumətinin rəhbəri Koçaryanın bu yaxınlarda onun barəsində dediyi “Paşinyan mənimlə mübarizə apardığına görə peşman olacaq” sözlərini şərh edib.
“Cənab Koçaryan bununla siyasi prosesləri qavramaq səviyyəsini nümayiş etdirir. Bu, onlar üçün küçə davası deyil ki, döyülən tərəf gedərkən, “sən peşman olacaqsan!” desin”, – deyə Paşinyan bildirib.

XƏBƏR LENTİ