Türkiyədə yaşayan “qanuni oğru” Nadir Səlifov (“Lotu Quli”) İstanbulda saxlanılmasının bəzi təfərrüatları məlum olub. Nadir Səlifov İstanbul Mütəşəkkil Cinayətkarlıqla Mübarizə İdarəsinin əməkdaşları keçirdikləri əməliyyat nəticəsində dünən axşam saatlarında saxlanılıb. O, İstanbulda Vətən Prospektində yerləşən yaşayış binaların birində keçirilən əməliyyat zamanı tutulub.
Tutulmasına səbəb, “Loti Quli” Türkiyədən Rusiyaya etdiyi tele-konfranslar vasitəsilə xərac toplamaqda ittiham olunur. Onun əsasən rusiyalı iş adamlarından vəsait topladığı bildirilir.
Milli.Az xəbər verir ki, Qulinin Azərbaycan və Rusiyada adının bir çox cinayət işində hallanır, eləcə də 2016-cı ilin avqust ayında Beşiktaşda Rövşən Lənkəranskinin (Caniyev) öldürülməsi hadisəsində sifarişçi olmaqda təqsirləndirilir.
Azərbaycan hökumətinin barəsində həbs qərarı verildiyi bildirilən Səlifov İstanbulda yaşadığı ünvana təşkil edilən əməliyyat zamanı saxlanılıb. Lotu Qulinin istintaqı yekunlaşdıqdan sonra Azərbaycana ekstradisiya ediləcəyi deyilir.
Xatırladaq ki, 16.11.2017 Lotu Quliyə qarşı sui-qəsd planı hazırlamaqda ittiham olunan Rövşən Lənkəranskinin qardaşı Namiq Canıyev də daxil olmaqla 4 azərbaycanlı və “Şirinlər” dəstəsinin 9 üzvü də həbs olunmuşdu. Azərbaycanlı polkovnikin 2016-cı ildə Beşiktaşda güllələnərək qətlə yetirilən qardaşı Rövşənin qisasını almaq üçün Şirinlər dəstəsinə 5 milyon dollar verdiyi bildirilirdi.
Digər tərəfdən “Loti Quli”nin Fransanın Tuluza şəhərində yaşayan və özünü “Opasnı Roma” kimi qələmə verən Azərbaycan vətəndaşı Rahim Namazovun ailəsi və özünün güllələnməsində də adı hallanır.Unikal.org xəbər verir ki artıq Nadir Səlifovun qardaşı Namik Səlifov da axtarışa verilib.
Bütün yuxarıda sadaladığımız cinayət hadisələri ilə bağlı da araşdırma aparılır və Nadir Səlifovdan izahat alınıb.
Kriminal avtoritet Lotu Quli ləqəbli Nadir Səlifov bu gün İstanbulda həbs edilib. Teleqraf.com “Hürriyet”ə istinadla xəbər verir ki, o, Cinayətkarlığa Qarşı Mübarizə Əməkdaşları tərəfindən həbs olunaraq polis bölməsinə aparılıb.
Lotu Qulinin telekonfransla Rusiyadakı iş adamlarından xərac aldığı iddia edilir. Səlifov Rusiya mətbuatında çıxan xəbər əsasında saxlanılıb. “Rambler.ru”da “Türkiyədəki oğru Rusiyadan xərac yığır” başlıqlı yazıda Nadir Selifovun Rusiyada, xüsusilə Kalujsk bölgəsindəki topdansatışla məşğul olan iş adamlarından “haqq” yığdığı qeyd olunur.
Kalujsk bölgəsindəki bazarlara daha öncə 2016-cı ilin avqustunda Türkiyənin Beşiktaş qəsəbəsində qətlə yetirilmiş Rövşən Canıyev nəzarət edib.
Canıyevin ölümündən sonra həmin bazarlara nəzarət Lotu Qulinin əlinə keçib.
***
“Lotu Quli” ləqəbi ilə tanınan azərbaycanlı qanuni oğru Nadir Səlifov bir neçə dəqiqə əvvəl İstanbulda polis tərəfindən saxlanılıb.
Sfera.az xəbər verir ki, bu barədə Türkiyənin “milliyyət” qəzeti məlumat yayıb. Qəzet qeyd edir ki, Baş Mütəşəkkil Cinayətkarlıqla Mübarizə İdarəsinin əməkdaşları əməliyyat həyata keçirərək qanuni oğrunu saxlayıblar və polis idarəsinə gətirilərək sorğuya alınıb.
