Azərbaycanda Boliviya vətəndaşı həbs edildi –Ölkəyə külli miqdarda kokain gətirmək istəyib - FOTO - VİDEO

608 5-01-2019, 13:03 kriminal

Azərbaycanda Boliviya vətəndaşı həbs edildi –Ölkəyə külli miqdarda kokain gətirmək istəyib - FOTO - VİDEOAzərbaycana külli miqdarda narkotik vasitənin gətirilməsi cəhdinin qarşısı alınıb.

Dövlət Gömrük Komitəsindən Strateq.az-a verilən məlumata görə, komitənin Əməliyyat-İstintaq Baş İdarəsi tərəfindən daxil olmuş əməliyyat məlumatı əsasında külli miqdarda narkotik vasitə – kokain turist qismində gəldiyini bildirən Boliviya vətəndaşı Calle Fernandez Mariaya məxsus qara rəngli çamadanda aşkarlanıb.

Komitənin Hava Nəqliyyatında Baş Gömrük İdarəsinin əməkdaşları tərəfindən həmin çamadana keçirilmiş baxış zamanı içərisində xüsusi usulla düzəldilmiş gizli saxlanc yerindən 2 kiloqram 65 qram narkotik vasitə – kokain aşkar edilərək götürülüb.

Fakt əsasında Əməliyyat-İstintaq Baş İdarəsində Azərbaycan Respublikası Cinayət Məcəlləsinin 206.3.2, 234.4.1 və 234.4.3-cü maddələri ilə cinayət işi başlanılıb.

Calle Fernandez Maria şübhəli şəxs qismində tutulub və təqsirləndirilən şəxs qismində cəlb edilərək barəsində həbs qətimkan tədbiri seçilib.

Aparılmış istintaqla müəyyən edilib ki, Calle Fernandez Maria külli miqdarda kokaini Boliviyanın Santa Kruz de la Sierra şəhərindən avtobusla Braziliyanın Kampo Qrande şəhərinə, oradan hava yolu ilə Sao Paulo şəhərinə, sonra Rio de Janeyro şəhərinə, oradan isə Birləşmiş Ərəb Əmirliklərinin Dubay şəhərinə, son olaraq isə Dubay-Bakı aviareysi ilə Bakı şəhərinə daşıyıb.

Cinayətin törədilməsində iştirakı olan digər şəxslərin müəyyən edilməsi istiqamətində zəruri əməliyyat-istintaq tədbirləri davam etdirilir.


Azərbaycanda Boliviya vətəndaşı həbs edildi –Ölkəyə külli miqdarda kokain gətirmək istəyib - FOTO - VİDEO
Azərbaycanda Boliviya vətəndaşı həbs edildi –Ölkəyə külli miqdarda kokain gətirmək istəyib - FOTO - VİDEO

XƏBƏR LENTİ