Hörmətli redaksiya!
Bakunews.az xəbər saytında 22 yanvar, 2019-cu il tarixli “Veysəloğlu” MMC saxta araq istehsalında ittiham edilir-Fotolar” başlıqlı məqalədə təəssüf ki, tam araşdırılmamış və qeyri-dəqiq məlumatlar qeyd olunub.
Nəzərinizə çatdırmaq istəyirik ki, “Veysəloğlu” MMC 2017-ci ildə “LVN Limited”-in yəni “Nemiroff” markasının məxsusu olduğu MMC ilə “Nemirovskaya Osobaya” və “Nemirovskaya klassik” markalarının Azərbaycanda fəaliyyət göstərən “Best Spirit Qroup” MMC tərəfindən tam rəsmi istehsalına dair üçtərəfli razılaşma müqaviləsi imzalamış və müqaviləyə əsasən sözügedən məhsulların distibüterliyini həyata keçirməkdədir.
Qeyd edirik ki, hər iki spirtli içkilərin üzərində Azərbaycanda istehsal olunduğu üçün qanunauyğun olaraq Daxili istehsal aksizi, Azərbaycan barkodu, habelə lisenziya kodu və istehsal haqqında lazım olan digər məlumatlar yer alıb. Daxili istehsal aksizi isə istehsalçıya müvafiq dövlət qurumu tərəfindən verilib.
Məqalənin ikinci hissəsində yer alan “Veysəloğlu” MMC-nin “Abşeron-Şərab” MMC-yə məxsus “Viski Gilavar” məhsullarının distribüterliyini həyata keçirməsi məlumatı doğrudur, lakin 2015-ci ildə Azərbaycan manatının devalvasiyası ilə əlaqədar olaraq “Veysəloğlu” MMC tərəfindən qiymət artımı məlumatı isə böhtan xarakteri daşıyır və əsassız məlumatdır.
Sözügedən araşdırma məqaləsini hazırlayan tərəflərdən öz iddialarını sənəd və sübutla əsaslandırmaqları xahiş olunur.
P.S. Qeyd edək ki şirkət dərc edilmiş məqaləyə mövqeyi bildirərkən hər hansı rəsmi sənəd təqdim etməyib. Həmçinin Azərbaycan Respublikasının qanunlarına görə, istehsalçı Maliyyə Bazarlarına Nəzarət Palatasının(MBNP), Səhiyyə nazirliyinin, Qida Təhlükəsizliyi Ağentliyinin müvafiq lisenziyalarını və Maliyyə nazirliyindən aksiz markaların uçot sənədini və istehsalçı firmanın idxal etdiyi ETİKETLƏR üçün Dövlət Gömrük Komitəsinə təqdim etməli olduğu digər sənədlərin sürətlərini təqdim etməmişdir. Yəni olunan ittihama yalnız yazılı ifadə ilə mövqe bildirmişdir. Keçən yazımızda qeyd edilən məsələrlə ümumiyyətlə mövqe üst-üstə düşmür. “Veysəloğlu” MMC-nin payladığı məhsulun “Best Spirit Qroup” MMC tərəfindən istehsalçı qismində licenziyasını təqdim edilməsini isə redaksiya olaraq şirkət rəhbərliyindən təqdim edilməsini xahiş edirik.
2015-ci ildə Azərbaycan manatının devalvasiyası ilə əlaqədar olaraq “Veysəloğlu” MMC tərəfindən qiymət artımı məlumatı əvvəllər digər internet xəbər portalarında yayınlanmış və təqzib edilməmiş məlumat olduğunu isə diqqətinizə çatırmaq istərdik.
Keçən yazımızda qeyd edilənlər isə olduğu kimi sizlərə təqdim edirik:
Ötən 2018- ci ilin DGK üçün ən yadda qalan hadisələrindən biri ilin sonunda KİV nümayəndələri ilə keçirilmiş görüşdə səslənmış “ÖLKƏDƏ 1 %- DƏ OLSUN BELƏ İNHİSARÇILIQ YOXDUR “ifadəsi ətrafinda yaranmış mübahislər oldu.
Dövlət Gömrük Komitəsinin mətbuat xidmətinin rəsmi məlumatlarına əsasən son bir neçə ay ərzində ölkənin Şimal –Qərb zonasında ardıcıl olaraq məhz “ Nemirovskaya vodka (Nemiroff vodka)” spirtli içkilərinin sərhəd-keçid məntəqəsində müsadirə edilmişdir.
İqtisadçı –exspert Cəfərov Şahinin bildirdiyinə görə “Nemiroff vodka” ölkə ərazisinə “Veysəloğlu" MMC tərəfindən idxal olunur. ."Veysəloğlu" MMC həm də həmin Ukraynada istehsal olunan məhsulun yeganə distribütoru sayılır.Araşdırmalar nəticəsində məlum olur ki, el dilində “ RUS ARAĞI ‘’ kimi tanınan “ NEMİROVSKAYA vodka(Osobaya və Classic) “ üzərinə DAXİLİ İSTEHSAL aksizi yapışdırılır Yəni faktiki olaraq Bakı şəhəri ərazisində istehsal olunur.Müvafiq qurumlara göndərilən sorğularda həmin araq məhsulnun ölkə ərazisində istesalina nə AQTA ,nə MBNP ,nə də Vergilər Nazirliyi heç bir lisenziya verməmişdir.Dünya paraktikasında xarici brend məhsulların eyni marka ilə saxta usulla hazırlanması KONTRAFAKT adlanır
Vergilər Məcəlləsində aksiz markaları haqqında “XÜSUSİ FƏRQLƏNMƏ NİŞANLARI” haqqında qanunun hələ də qəbul edilmədiyindən həmin məhsulların üzərinə vurulan aksiz markalarının SAXTA olmasından xəbər verir. Belə ki, sifariş verilmiş aksiz markalarının təyinatı üzrə istifadə edilməməsi saxta aksiz markasınadan istifadə kimi qəbul edilir.
İstehsalına lisenziya olmayan aksizli məhsulun ETİKETLƏRİN gizli və ya açıq formada idxal olunaraq ölkə ərazisinə gətirilməsi daha da qaranlıq məqamların olmasından xəbər verir.
“Yerli” "NEMİROVSKAYA vodka"osobaya və classic) satış məntəqələrinə ‘’VEYSƏLOĞLU MMC ‘’tərəfindən paylanmaqdadır.
Xatırlatmaq lazımdır ki , 2015-ci ildə Milli manatımızın devalvasiyasından sonra bəzi şirkətlərin süni qiymət artımı yaratması hətta ölkə başçısının kəskin etirazına səbəb omuşdu : "Ölkədə süni qiymət artımına yol verənlər cəzalandırılacaq”. Ancaq prezidentin açıqlamasına baxmayaraq "Veysəloğlu” MMC Baki şəhərindəki böyük marketlərə satdığı "Viski Gilavar”ın qiymətini bir gecədə 35-40 faiz artırmışdı Maraqlıdır, hətta "Veysəloğlu” şirkəti süni qiymət artımına dövlət nəzarətindən yayınmaq üçün marketlərə göstəriş vermişdi ki, "Viski Gilavar”ı bir müddət açıq satışa qoymayın, yəni müştərilərə "altdan” satın.
Bu məsələni araşdırmaq üçün "Veysəloğlu” MMC ilə əlaqə saxladıqda satış şöbəsinin adını bildirməyən əməkdaşı hay-küylə bildirirdi ki, bizim şirkət ümumiyyətlə spirtli içkilər satmır. Biz ona görə də bir neçə marketdə olub, yenidən maraqlandıq. Hər yerdə bizə bildirdilər ki, bu viskini bizə "Veysəloğlu” satır. Nəhayət, " Viski Gilavar”ın istehsalçısı olan "Abşeron- Şərab” MMC ilə əlaqə saxladıqdan sonra şirkətin adını bildirməyən xanım əməkdaşı bildirmişdi ki, bu viskini bizdən "Veysəloğlu” şirkəti alıb marketlərə satır.
Sonra "Abşeron-Şərab” MMC-nin satış şöbəsinin müdiri bizə bildirdi ki, bizim istehsal etdiyimiz "Viski Gilavar”ı "Veysəloğlu” şirkəti satır, ancaq süni qiymət artımından xəbərimiz yoxdur. Ən maraqlısı odur ki, "Abşeron- Şərab” MMC-nin saytında şirkətin məhsulları sırasında "Viski Gilavar”ın adı yox idi.