Şəmkirin icra başçısının rüşvət tələbi əhalini təngə gətirib

Şəmkirin icra başçısının rüşvət tələbi əhalini təngə gətiribSabiq vergilər naziri Fazil Məmmədovun keçmiş kadrı Alimpaşa Məmmədovun adı yeni qalmaqalda hallanır. Bir müddət öncə xəbər yayılmışdı ki, A.Məmmədov artıq F.Məmmədovun özünü rayona buraxmır.

Bu dəfə isə icra başçısının adından təhsil və səhiyyə işçilərindən “yığım” tələbi rayonda ciddi narazılıq yaradıb. Bu haqda bir qrup təhsil işçisi gozetci.az-a məktub yazıb. Məktubda qeyd olunur ki, Şəmkir rayon təhsil işçiləri Alimpaşa Məmmədovun qanunsuz tələbləri ucbatından əziyyət çəkirlər. İddiaya görə Şəmkir rayon icra başçısı Alimpaşa Məmmədov və rayon Təhsil Şöbəsinin müdiri Məcid Şıxlinski məktəblərdən qanunsuz rüşvət tələb edirlər. Sitat: “Dərs ili başlayandan hər məktəb direktoru 1500-2000 manat Təhsil Şöbəsinə haqq verməlidir. Amma məsələ təkcə bununla bitmir. Üzərindən iki ay keçməmiş rayonda tikilən yeni tibb müəssisəsinin işlərini tamamlamaq üçün təhsil işçiləri hər məktəbə 500-700 manat dekabr ayında pul verdilər. İndi isə rayonda yarımçıq qalmış abadlıq işlərini tamamlamaq adıyla 500 manat gətirmək tapşırılıb. Bu pul tələbi isə aşağı əmək haqqı alan müəllimlərin maaşından kəsilir. Müəllimlər direktora etiraz etdikdə isə bu barədə İH-nə müraciət etmələrini bildirərək deyir ki, mən burada tapşırıq yerinə yetirirəm. Hansı məktəbdən pul gec yığılırsa Təhsil Şöbəsi öz “cəza dəstələrini” həmin məktəblərə yoxlanışa göndərir. Yoxlanış dəstəsi isə nöqsanlara görə müəllimin əmək haqqının kəsiləcəyini bildirərək hədələyirlər. Bir sözlə, fevralın 23-də verilən tapşırıq budur ki, martın 1-nə kimi məktəblər 500 manat pul verməlidir. Qeyd edək ki, Şəmkir rayonunda 79 məktəb var. Alimpaşa Məmmədov icra başçısı kimi məktəblərə də çox müdaxilə edir. Yerli-yersiz yoxlamalar, tədbirlər müəllimlərlə bərabər şagirdləri də narahat edir”.

Alimpaşa Məmmədovla bağlı təxminən eyni məzmunlu şikayətlər zaman-zaman olub. Alimpaşa Məmmədov 2018-ci ilin ilk iş həftəsində rayondakı idarə və təşkilatların müdirlərinə xəbər yollamışdı. Onlardan rayonda görüləcək işlər və yeni il ərəfəsi keçirilən bayram tədbirinin xərclərinin qarşılanması üçün dəstək istəmişdi. Həmin günlərdə yayılan xəbərlərə görə Şəmkirdəki idarə və təşkilatların rəhbərlərindən 3-5 min manat arası pul tələb olunurdu.

Bu baxımdan Alimpaşa Məmmədovun təhsil işçilərindən “yığım” tələbi də inandırıcı görünür.

E.HÜSEYNOV,

Şəmkirin icra başçısının rüşvət tələbi əhalini təngə gətirib

  • 28-02-2019, 13:14
  • 80


Oxşar mövzular
ƏN ÇOX OXUNANLAR
Həftə üzrə / Ay üzrə
  1. YAP Əli İnsanova cavab verdi:“Onun dalınca heç kim getməyəcək”
  2. Şəhidlər Xiyabanında ucaldılan bayrağımızda kobud səhv
  3. Yaşa görə müavinətlər 80 faizə yaxın artırılacaq-aprelin 1-dən
  4. Nazir müavini işdən çıxarıldı – Sərəncam
  5. “OĞLUMU LÜT SOYUNDURUB, ÜZÜNƏ, BƏDƏNİNƏ TÜPÜRÜBLƏR” – Tükürpədən açıqlamalar
  6. Milli konsepsiyanın formalaşmasında milli fəlsəfənin dərki: problemlər və həll yolları (III yazı)
  7. Sabiq nazirin qardaşı azadlığa buraxıldı – Prokuror 12 il həbs istəmişdi
  8. Saakaşviliyə qarşı istintaq araşdırmasını yeniləyib- Ukraynada
  9. Ərdoğan “Washington Post” qəzetinə məqalə yazdı
  10. “Taleh Bağırovun həyat yoldaşı telefon keçirməyə cəhd edib” – Penitensiar xidmət
«    Mart 2019    »
BeÇaÇCaCŞB
 123
45678910
11121314151617
18192021222324
25262728293031
MARAQLI