İraqda insanların kütləvi şəkildə dəfn edildiyi iki məzar aşkar edilib.
Bu barədə İranın İnsan Hüquqları üzrə Ali Şurasının nümayəndəsi Əli Əl-Bəyati mətbuata açıqlamasında bildirib. O qeyd edib ki, hər iki məzarda 12 min insanın qətlə yetirilərək dəfn edildiyi məlum olub. Məzarların tapıldığı ərazilər İŞİD terrorçu qruplaşmasının işğalı altında olan ərazilərdir. Onun sözlərinə görə, 2014-cü ildə adıçəkilən terrorçu qruplaşma İraqda 1200 adam oğurlayıb, onlardan 600-ü qadın, 120-si isə uşaq olub. Ümumilikdə 7 min insanın oğurlanması faktı sübut edilib. Hazırda onların axtarışı davam edir.
Xatırladaq ki, 2014-cü ildə İŞİD qruplaşması İraqın ərazisinin 30 faizini işğal edərək 2 il ərzində nəzarətində saxlayıb. Bu müddət ərzində həmin ərazilərdə insanlığa sığmayan cinayətlər törədilib. (AZƏRTAC)
WhatsAppFacebookFacebook MessengerTwitterРесурс