Giorgi Qaxaria:"Gürcüstan-Rusiya danışıqlarında yeni formatdan danışmaq tezdir”

Giorgi Qaxaria:"Gürcüstan-Rusiya danışıqlarında yeni formatdan danışmaq tezdir”“Gürcüstan-Rusiya danışıqlarında yeni formatdan danışmaq üçün hələ tezdir”. APA-nın yerli bürosunun xəbərinə görə, bunu Gürcüstanın Baş Nazir postuna namizədi Giorgi Qaxaria parlamentə keçirilən bugünkü fraksiya dinləməsi zamanı deyib.

O bildirib ki, bugünkü formatların bütün imkanları tükənmədən yeni formatlar axtarmaq doğru deyil.

G. Qaxaria deyib ki, hökumət ilk növbədə indiki formatların imkanlarını maksimum dərəcədə artırmağa çalışmalıdır.

“Rusiya Federasiyası ilə bugünkü formatların – istər Cenevrə olsun, istər Abaşidze – Karasin – bütün imkanlar tükənənə qədər, digər yeni formatlar haqqında danışmaq üçün hələ çox tezdir. Birinci, bu formatları mümkün qədər effektiv etməliyik. Osetiyalı və abxaziyalı həmkarlarımızla birbaşa əlaqələrə gəlincə, təbii ki, xalq diplomatiyası ilə əlaqəli hər şeyi maksimum dərəcədə aktivləşdirməliyik. Nəticələrini daha da təsirli etmək üçün müvafiq qurumlar səmərəli çalışırlar. Unutmamalıyıq ki, bu gün işğal olunmuş ərazilərimiz üzərində effektiv nəzarəti həyata keçirmirik və təhlükəsizlik baxımından ikitərəfli münasibətlər, müxtəlif istiqamətlərdəki yaxın əlaqələr haqqında danışarkən bunu da nəzərə almalıyıq”, – deyə G. Qaxaria bildirib.

Dinləmədə iştirak edən “Vətənpərvərlər Alyansı”nın üzvü Ada Marşaniya isə Baş Nazir postuna namizədə cavabında bildirib ki, abxaziyalı və osetiyalılarla birbaşa dialoq Moskvanın dəstəyi olmadan mümkün deyil.

Qeyd edək ki, sabah Gürcüstan parlamentinin plenar sessiyasında hakim “Gürcü Arzusu” partiyasının təqdim etdiyi yeni nazirlər kabinetinin tərkibi etimad səsverməsinə çıxarılacaq.

Giorgi Qaxaria:"Gürcüstan-Rusiya danışıqlarında yeni formatdan danışmaq tezdir”

  • 7-09-2019, 12:49
  • 105


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Sürgündə Güney Azərbaycan Parlamenti və Dövlət
  2. Ramana köçkün qəsəbəsində yaşayan məcburi köçkünlərə təlim keçirildi
  3. Diaqnostik imtahandan keçən müəllimlərin maaşlarının məbləği – CƏDVƏL
  4. Şamaxıda direktordan şəhidə hörmətsizlik – Foto
  5. Əli Kərimlinin mühafizəçisi həbs edildi – Məhkəmə
  6. Yanğın və Səbəbləri
  7. Deputat Musa Quliyev:"Siyavuş Novruzovun əlində fakt varsa, hüquq-mühafizə orqanlarına təqdim etsin"
  8. Stadiona buraxılmayan, özünü yandıran qadın ölüb –İranda
  9. Dinozavrları məhv edən meteoritin dünya ilə toqquşduğu gün nə baş verib? –Araşdırma
  10. Məşhur əxlaqsızlıq yuvasını işlədənlər hakim qarşısında- ikisi qardaşdı
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 
MARAQLI