Ağ ev demokratların “impiçment işi” üzrə sorğusunu dəstəkləməkdən imtina edib- Açıqlama

Ağ ev demokratların “impiçment işi” üzrə sorğusunu dəstəkləməkdən imtina edib- AçıqlamaOktyabrın 8-də Ağ ev Nümayəndələr Palatasının spikeri Nensi Pelosiyə rəsmi məktub göndərib. Məktubda ABŞ Prezidentinin impiçmenti barədə sorğu “qeyri-qanuni və qeyri-konstitusion addım” adlandırılır və qeyd edilir ki, Ağ ev bu sorğunu dəstəkləməyəcək.

Administrasiya adından tərtib edilmiş məktubda Ağ evin vəkili Patom Sipollone demokrat Nensi Pelosini “2016-cı il seçkilərinin nəticələrini ləğv etməyə cəhd göstərməkdə” təqsirləndirir. Məktubda deyilir: “Sizin təhqiqatınızda hər hansı konstitusion əsas, ədalətin pozulmasına dair hər hansı iddia yoxdur, hətta müvafiq hüquqi prosedurun ən elementar qaydalarına riayət edilməyib, buna görə də icra hakimiyyətinin bu təhqiqatda iştirak edəcəyini gözləməyə dəyməz”. Vəkil qeyd edib ki, “indiki qeyri-konstitusion vəziyyətdə bu təhqiqatda iştirak etmək icra hakimiyyətinə və hakimiyyətin bölünməsi prinsipinə uzunmüddətli institusional ziyan vurardı, buna görə də prezidentin həmin sorğunu dəstəkləməkdən imtina etməkdən başqa seçimi yoxdur”.

Məktubda daha sonra deyilir: “Birləşmiş Ştatların prezidentinin vəzifələrinə, o cümlədən onun bu vəzifədə gələcək varislərinin hüquqlarını müdafiə etmək öhdəliyinə uyğun olaraq, Prezident Tramp indiki şəraitdə öz administrasiyasının bu birtərəfli təhqiqatda iştirak etməsinə icazə verə bilməz”.

Əvvəl xəbər verildiyi kimi, sentyabrın 24-də spiker Pelosi Prezident Trampı Konstitusiyanın ciddi pozulmasında ittiham edərək onun barəsində impiçment işi üzrə rəsmi təhqiqat prosesinin başlanmasını elan edib. Demokratlar prezidenti bunda təqsirləndirirlər ki, ehtimala görə o, Ukrayna Prezidenti Vladimir Zelenskini keçmiş vitse-prezident Co Bayden və onun oğlu, haçansa Ukrayna qaz şirkətində işləmiş Hanter Bayden haqqında təhqiqat aparmağa məcbur etməyə çalışıb. Co Bayden 2020-ci il seçkilərində Demokratlar Partiyasından namizəd göstərilməyə əsas iddiaçılardan biridir.

Nümayəndələr Palatasından olan demokratlar oktyabrın 8-də bəyan ediblər ki, onlar ABŞ-ın Avropa İttifaqındakı səfiri Qordon Sondlendin Konqresdə ifadə verməsi və impiçment barəsində iş üzrə təhqiqatlarla əlaqədar sənədləri təqdim etməsi üçün onu ABŞ-a çağırmağı planlaşdırırlar. Nümayəndələr Palatasının bu təhqiqatla məşğul olan üç komitəsinin sədrləri bildiriblər ki, Sondlend ABŞ Dövlət Departamentinin göstərişinə əsasən planlaşdırılan dinləmələrə gəlməyib və bundan sonra oktyabrın 8-də səfirin Konqresdə ifadə vermək üçün gəlməsini tələb edən rəsmi sorğu göndərilib.

Sondlendin vəkili Cim MakDermott bildirib: “Səfir Sondlend əvvəlcə çağırış almadan komitənin suallarına təcili qaydada cavab vermək üçün bu gün könüllü şəkildə gəlməyə razılaşmışdı”. Vəkil daha sonra əlavə edib ki, Sondlend ABŞ-ın Aİ-dəki fəaliyyətdə olan səfiri və Dövlət Departamentinin əməkdaşı kimi Departamentin göstərişlərinə riayət etməyə borcludur. MakDermott onu da deyib ki, Sondlend oktyabrın 8-də ifadə verə bilmədiyinə görə “son dərəcə təəssüflənib”, lakin ona imkan verilsə ən qısa müddətdə gəlməyə hazırdır.

Konqresin üç komitəsinin sədrlərinin birgə bəyanatında göstərilir ki, Ağ ev “prezidentin hüquqazidd davranışını ört-basdır etməyə çalışır”. Bəyanatda deyilir: “Hesab edirik ki, bu müdaxilə impiçment barədə iş üzrə təhqiqat üçün əngəldir. Biz səfir Sondlendin ifadə verməsi və sənədləri təqdim etməsi üçün ona çağırış vərəqəsi göndərəcəyik”(azərtac).

Ağ ev demokratların “impiçment işi” üzrə sorğusunu dəstəkləməkdən imtina edib- Açıqlama

  • 9-10-2019, 14:10
  • 88


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Xaçmaz bazarında baş verənlər - xüsusi reportaj+VİDEO
  2. Председатель “Конгресса Азербайджанцев" Муртазе Гюлмамедов встретиться с Министром национальной политики РСО-Алания с Цуциевым Аслан Аркадьевичом
  3. Rüşvətxorlu ittihamı ilə qovulan general yenidən vəzifə ümidində... - ŞOK İDDİA
  4. Lənkəran şefi biznesə girişib... - İDDİA
  5. “ZARAFATCIL OĞLANLAR”IN ZƏNGİ:senatoru dolayan ruslar ABŞ-Türkiyə əlaqələrinə dair sirləri faş edib
  6. Gürcüstanda yaşayan azərbaycanlılar Tbilisidə etiraz aksiyası keçiriblər –FOTO
  7. Yatmış vəziyyətdə olan arvadının başına qantellə vurub öldürən şəxs həbs edilib
  8. Beyləqanda ər arvadını boşandığı üçün öldürüb
  9. DTX-dən müdhiş əməliyyat: xaricdə təlim keçən terrorçu dəstə belə yaxalandı - VİDEO
  10. “Barış Pınarı” əməliyyatı:Türkiyə ordusu 13 kəndi PYD/YPG-dən azad etdi
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
MARAQLI