Bakı Nəqliyyat Agentliyinin rəsmisi saxta arayış verib - İTTİHAM

605 11-10-2019, 13:50 cemiyyet

Bakı Nəqliyyat Agentliyinin rəsmisi saxta arayış verib - İTTİHAMBu günlərdə mərhum 1-ci qrup Qarabağ əlili Rövşən Haqverdiyevin həyat yoldaşı Məqsudə Haqverdiyeva bizə müraciət edib. O, müraciətində bildirib ki, mərhum həyat yoldaşının ölümündən istifadə edən “Şəmsi-2000” şirkətinin rəhbəri Elxan Qarayev anbara məxsus olan 2 ədəd “İsuzu NP37” markalı avtobusları 2013-cü ildən işlədib pulunu mənimsəyib. Şirkətin təmsilçisi bu avtobusların Elxan Qarayevin istismarında olduğu 48 saylı marşrut xəttində işləməsi ilə bağlı Bakı Nəqliyyat Agentliyinə sorğu göndərib.
Bakı Nəqliyyat Agentliyinin rəsmisi saxta arayış verib - İTTİHAM
Bakı Nəqliyyat Agentliyinin rəsmisi sorğuya cavab arayışında yazıb ki, adı çəkilən avtobuslara 48 saylı marşrut xəttinin adına fərqlənmə nişanı alınsa da 7 ildir ki, (2011-2017) bu avtobuslar təmirə dayanıblar. Məqsudə Haqverdiyeva daha sonra bildirir ki, Daxili İşlər nazirliyinin Baş Dövlət Yol Polis İdarəsinin inzibati xətalar haqqında Protokolları bu arayışın saxtalığını ortalığa çıxarıb. Baş Dövlət Yol Polis İdarəsinin 2013-cü il tarixdən 2017-ci il tarixədək tərtib etdiyi protokol və fotokameralarda açıq-açığına görsənir ki, adı çəkilən avtobuslar Xətai rayon ərazisində 48 saylı marşrut xəttində sərnişindaşımayla məşğul olubdur. Bəs Bakı Nəqliyyat Agentliyinin rəsmisini hansə maraqlar bu saxtakarlığa qol qoymağa vadar edib. Biz bu hüquq-mühafizə orqanlarından xahiş edib, nəticəsini öyrənmək istəyirik. //bia.az//

XƏBƏR LENTİ