“İkinci Dünya Müharibəsindən sonra bu pandemiyaya oxşar bir hadisə olmamışdı və BMT belə bir təhlükə ilə üzləşməmişdi”.
“Report” xəbər verir ki, bunu BMT-nin Azərbaycandakı rezident əlaqələndiricisi Qulam İshaqzai Nazirlər Kabineti yanında Operativ Qərargahın bu gün keçirilən brifinqində deyib.
“Hazırda bu virus hansısa ölkəni hədəf almır, sərhədləri aşır və zəif və güclülərə də yoluxa bilir. Buna görə də BMT-nin baş katibi hər kəsi qlobal səviyyədə həmrəyliyə çağırıb. Hökumətlər yalnız təkcə öz gücü ilə qalib gələ bilməyəcək. Cəmiyyət dəstək göstərməlidir. Buna görə də hər kəs öz məsuliyyətini dərk etməlidir”, - o bildirib.
