Deportasiya Qurbanları Cəmiyyəti Zəngəzur daxil olmaqla tarixi torpaqlardan vaz keçməyəcək - Bəyanat

Deportasiya Qurbanları Cəmiyyəti Zəngəzur daxil olmaqla tarixi torpaqlardan vaz keçməyəcək - Bəyanat
Azərbaycan Deportasiya Qurbanları Cəmiyyəti (ADQC) 1948-1953-cü illərdə Azərbaycan türklərinin Qərbi Azərbaycandan deportasiya edilməsinin növbəti ildönümü ilə bağlı bəyanat yayıb.
Xeberdar.net xəbər verir ki, sözügedən bəyanatda erməni millətçiliyinin Azərbaycan xalqına qarşı həyata keçidiyi zülmdən bəhs edilir.
ADQC xatırladır ki, indiki Ermənistandan azərbaycanlıların deportasiya dalğalarından biri 1947-ci il dekabrın 23-də SSRİ lideri İ.V. Stalinin “Ermənistan SSRİ-dən kolxozçuların və başqa azərbaycanlı əhalinin Azərbaycan SSRİ-nin Kür-Araz ovalığına köçürülməsi haqqında” adlı mürtəce qərarı altında pərdələnib və nəticə etibarı ilə 100 minlərlə türk 1948-1953-cü illərdə Qərbi Azərbaycandan sürgün, əslində isə genosid siyasətinə məruz qalıb.
Bu anti-insani və anti-bəşəri akt nəticəsində sürgünə məruz qalan insanların böyük bir hissəsi təbiət və iqlim səbəblərindən sürgün edildiyi ərazilərdə həyatını itirib.
Cəmiyyət həm 1948-1953-cü il deportasiyası, həm də 1988-ci ilin noyabr-dekabr aylarında baş verən qanlı sürgün aktının əslində Azərbaycan xalqına qarşı əsası 200 il əvvəl Çar Rusiyası tərəfindən qoyulan, SSRİ zamanı davam etdirilən anti-türk və anti-islam siyasətinin davamı, əsas məqsədin isə bölgədə ermənilər üçün daha münasib şərait yaratmaq olduğunu vurğulayıb.
Məhz 1988-ci ilin noyabr-dekabr aylarında baş verən qanlı sürgün aktı nəticəsində 300 mindən çox azərbaycanlı ata-baba yurdundan qovulub.
Deportasiya Qurbanları Cəmiyyəti xatırladıb ki, Azərbaycanın mərhum Prezidenti Heydər Əliyev tərəfindən 1997-ci ilin dekabrın 18-də “1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyası haqqında” fərman imzalayıb.
Bu tarixi sənəd azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyasının hərtərəfli tədqiq edilməsini, Azərbaycan xalqına qarşı dövlət səviyyəsində həyata keçirilən bu tarixi cinayətə hüquqi-siyasi qiymət verilməsini və onun beynəlxalq ictimaiyyətə çatdırılması məqsədilə işlər görülməsini nəzərdə tutub.

ADQC qeyd edib ki, yüz minlərlə insanın Qərbi Azərbaycandan deportasiya edilməsinə baxmayaq bu gün də öz ata-baba vətənlərinə qayıtmaq uğrunda mübarizə aparır. Günün birində İrəvan, Göyçə, Zəngəzur, Vedibasar, Zəngibasar daxil olmaqla bu torpaqlara dönəcəyinə birmənalı inanır. Eyni zamanda təşkilat Azərbaycan türkünün bu tarixi ərazilərini unutdurmamaq, gənc nəslə onu təbliğ etdirmək istiqamətində iş aparır.

Deportasiya Qurbanları Cəmiyyəti bu ilin sentyabrın 27-də Azərbaycan torpaqlarının erməni işğalçılarından təmizlənməsi uğrunda başlanmış 44 günlük Vətən Müharibəsində Azərbaycan dövlətini birmənalı dəstəklədiyini xatırlatmaqla yanaşı Azərbaycan Prezidenti, Silahlı Qüvvələrin Ali Baş Komandanı İlham Əliyevin dekabrın 10-da Bakıdakı Azadlıq meydanında keçirilən Zəfər paradı zamanı çıxışını birmənalı müdafiə edir.
Deportasiya Qurbanları Cəmiyyəti xüsusilə, Ali Baş Komandanın çıxışı zamanı İrəvan, Göyçə və Zəngəzur haqqında fikirlərini yüksək qiymətləndirməklə eyni zamanda bildirir ki, bu tarixi torpaqlarımız uğrunda mübarizədən heç zaman imtina etməyəcək.

Xeberdar.net

Deportasiya Qurbanları Cəmiyyəti Zəngəzur daxil olmaqla tarixi torpaqlardan vaz keçməyəcək - Bəyanat

  • 21-12-2020, 13:43
  • 687


Oxşar mövzular
ƏN ÇOX OXUNANLAR
Həftə üzrə / Ay üzrə
  1. İsa Həbibbəyli vəzifədən azad edilməsinə münasibət bildirdi
  2. “Sülh və qlobal atəşkəsə aparan yolumuzda iki əsas çətinlik var” –BMT-nin Baş katibi
  3. Vilayət Eyvazovdan yeni TƏYİNAT
  4. General Hikmət Abbasovun "yeni bazarı"- Kəmaləddin Heydərovun xəbəri varmi?
  5. Xankəndi yaxınlığında yenə atışma oldu...
  6. "Paşinyan diz çökmüş bir liderdir və masada bərabər münasibətləri olmayanlarla oturmuşdu"
  7. 11 yanvar eposu və ənənəvi biganəlik – RÜFƏT MURADLI
  8. Polis əməliyyat keçirdi - Saxlanılanlar var
  9. Rusiyada baş vermiş güclü yanğın zamanı 8 nəfər ölüb, 90 sakin təxliyyə olunub
  10. Yasamalda satışa çıxarılan yaşıllıq ərazi hansı məmura məxsusdur? - FOTO
«    Yanvar 2021    »
BeÇaÇCaCŞB
 123
45678910
11121314151617
18192021222324
25262728293031
MARAQLI