“Küçədən gələnlərə birbaşa Xalq artisti fəxri adı verirlərsə, o, da əndamını açıb camaata göstərirsə...”

“Küçədən gələnlərə birbaşa Xalq artisti fəxri adı verirlərsə, o, da əndamını açıb camaata göstərirsə...”“Bu adamların doxsan faizinin musiqi təhsili yoxdur. Məni ən çox narahat edən bu adamların böyük fəlsəfi sözlərimizi başa düşməmələri və təhrif etmələridir. Hər sözün öz yeri, ölçüsü, mənası var”

Bunu Moderator.az-a açıqlamasında Xalq artisti Şeyx Əbdül Mahmudbəyov deyib. Xalq artisti dahi şəxsiyyətlərimizə “sataşan” müğənnilərimizi də sərt tənqid edib:

“Bu gün Azərbaycandakı o tanıdığız adamların hamısı gülməli artist və oxuyanlardır. Çünki başqa iş-güc yoxdur, bu manıslar ortalıqda qalıblar, neyləsinlər? İkincisi də ki, Nizami Gəncəvi çox böyük mənada qəzəliyat şairi deyil axı. O, tarix, fəlsəfə düşüncə şairidir. Bu mənada Nizaminin bir neçə qəzəliyatı var və buna da dahi Bülbül, Asəf Zeynallı romanslar yazıb və sonra da Müslüm Moqamayev, Alim Qasımov kimi sənətçilərimiz də bu romansları oxuyublar. İndi bu xanım (Afət Fərmanqızını nəzərdə tutur) əgər Üzeyir bəydən yaxşı yazacaqsa, qoy yazsın. Bizdə bir ənənəçilik var və bu da ən iyrənc şey olduğu üçün buna qarşı həmişə mübarizə aparmışam. Tədbirdən-tədbirə hamımız qəhrəman oluruq, asırıq, kəsirik. Amma tədbir qurtaran kimi hərə bir tərəfə gedir. Bu mənada o, xanım çalışır bir az avanqard olsun, gündəmdə olsun. Həyatımda mənim üçün üç ölçü vahidi olduğuna görə bu yaşıma çatmışam və sənətimdə şahidi olduğunuz işləri görmüşəm. Onlardan birincisi mənim üçün ailəm olub, ikincisi həmişə dostlarımdan utanmışam, üçüncü isə bilən adamlarla məsləhət etmişəm, onları nəzərə almışam. O yerdəki dəyər, ölçü, qayda-qanun pozulur, küçədən gələnlərə birbaşa Xalq artisti fəxri adı verirlərsə və o da əndamını açıb camaata göstərirsə, bunu çəkib efirə qoyurlarsa, xalqın haqlı narazılığı nəzərə alınmırsa, onda kim nə istəyir, qoy etsin. Cəzasızlıq dünyada ən böyük təhlükəli, mənəviyyatsız işdir. Bu dəyərlər olmayandan sonra kim nə istəyir, onu da edir.

Bu adamların doxsan faizinin musiqi təhsili yoxdur. Məni ən çox narahat edən bu adamların böyük fəlsəfi sözlərimizi başa düşməmələri və təhrif etmələridir. Hər sözün öz yeri, ölçüsü, mənası var. Sovet dönəmində bunlar keçərli idi, çünki bizim tarixi şəxsiyyətlərimizə bayağı münasibət bəsləmək onlara sərf edirdi. Amma indi biz tariximizə də, elimizə də, torpaqlarımıza da sahib durmuşuq. Ona görə belə şeylərin qarşısını almaq üçün dövlət səviyyəsində ciddi cəza olmalıdır”.

Qeyd edək ki, dahi Azərbaycan şairi İmadəddin Nəsiminin qəzəlini hindsayağı ifa etdiyinə görə tez-tez tənqid edilən müğənni Afət Fərmanqızı bu dəfə Nizamidən oxuyacağını açıqlayıb.

Vasif Əlihüseyn

“Küçədən gələnlərə birbaşa Xalq artisti fəxri adı verirlərsə, o, da əndamını açıb camaata göstərirsə...”

  • 12-01-2021, 12:48
  • 132


Oxşar mövzular
ƏN ÇOX OXUNANLAR
Həftə üzrə / Ay üzrə
  1. İsa Həbibbəyli vəzifədən azad edilməsinə münasibət bildirdi
  2. “Sülh və qlobal atəşkəsə aparan yolumuzda iki əsas çətinlik var” –BMT-nin Baş katibi
  3. Vilayət Eyvazovdan yeni TƏYİNAT
  4. General Hikmət Abbasovun "yeni bazarı"- Kəmaləddin Heydərovun xəbəri varmi?
  5. Xankəndi yaxınlığında yenə atışma oldu...
  6. "Paşinyan diz çökmüş bir liderdir və masada bərabər münasibətləri olmayanlarla oturmuşdu"
  7. 11 yanvar eposu və ənənəvi biganəlik – RÜFƏT MURADLI
  8. Polis əməliyyat keçirdi - Saxlanılanlar var
  9. Rusiyada baş vermiş güclü yanğın zamanı 8 nəfər ölüb, 90 sakin təxliyyə olunub
  10. Yasamalda satışa çıxarılan yaşıllıq ərazi hansı məmura məxsusdur? - FOTO
«    Yanvar 2021    »
BeÇaÇCaCŞB
 123
45678910
11121314151617
18192021222324
25262728293031
MARAQLI