Tibbi Ekspertiza BAZARINDA ŞIDIRĞI ALVER... - ŞOK FAKTLAR...

Tibbi Ekspertiza BAZARINDA ŞIDIRĞI ALVER... - ŞOK FAKTLAR...Sumqayıt!
Əvvəllər bu şəhərin adı gələndə ilk ağlımıza tüstüsü bol sənaye şəhəri gəlirdi.

İndi şükürlər olsun Sumqayıt ölkənin ən gözəl şəhərlərindən biridir.

Təbii ki, yalnız mərkəz görüntüsünə görə. Çünki, mərkəzdən kənar ərazilərinin - məsələn, "Stansiya Sumqayıt" deyilən ərazi, "Kimyaçılar qəsəbəsi" və digər bu kimi əraziləri şəhərin gözəlliyinə xələl gətirən görüntülərə sahibdirlər.

Amma, çox təəssüflər olsun ki, Sumqayıt şəhərinin problemləri təkcə ekologiya çirklənməsi və ya çirkli suların yaratdığı natəmizlikdən ibarət deyil.

Eyni zamanda sosial medialarda tez-tez dərc edilən Sumqayıt şəhər Mərkəzi Xəstəxanası, Sumqayıt məhkəməsi, Sumqayıt Dövlət Universiteti, həmçinin Sumqayıt "MERO"-su, hətta Sumqayıt qəbristanlığı və sair bütün bu adlarını sadaladıqlarımızın hamısı haqqında ayrılıqda neqativ məlumatları oxuyuruq, görürük.

Bu günlərdə isə sosial şəbəkələrdə Sumqayıt şəhərində baş vermiş daha bir saymazlıq, daha bir sözün əsl mənasında biyabırçı olay cəmiyyət arasında narazılıq, səs-küy doğurub.

Yuxarıda da gördüyünüz kimi, vətəndaş qeyd edir ki, "yaxın dostum Əbdülov İlqar ürək çatışmazlığından xəstəxanada rəhmətə gedib, gətiriblər (Tibbi Ekspertiza idarəsi) bura. Mərhumun qardaşı Əbdülov İnqilab ilə 6-7 saatdır ki, qapıda gözləyirik. Artıq gecə saatlarıdır. Hələ də yaxınımızın cəsədini vermirlər ki, aparıb dəfn edək. Meyidi yarmaq dedilər, ona da etiraz etmədik. Artıq, bir neçə saatdır ki, bizi və bizdən başqa da onlarla insanı gözlədirlər. Bizim yaxınımızın cəsədini özümüzə vermək üçün pul tələb edirlər. Bir sözlə burda meyidləri sahiblərinə satırlar."

Yeri gəlmişkən, xatirinizdədirsə bir neçə ay öncə həmkarımız, Ağdam rayon sakini İbrahim Qubadoğlunun rastlaşdığı eyni problemi agentliyimizdə yayımlamışdıq.

Hansı ki, Kürdəmir rayon Tibbi Ekspertiza idarəsində İbrahim Qubadoğlunun yol qəzasında dünyasını dəyişən həyat yoldaşı və digər iki yaxınının cəsədlərini almaq üçün ondan pul tələb edilmişdi. Hətta, alınmışdı. Özü də 150 manat qiymət oxuyub, sonra biraz "bazarlıq" edib, 100 manata qədər "endirim" də edilmişdi.

Çox təəssüflər olsun ki, ölkəmizdə qanunlardan çox, qanunsuzluqlar vətəndaşlara "hakim kəsilib".

yuxarıda da gördüyünüz kimi, bu kimi halların cana doyurduğu vətəndaşlardan daha biri sosial şəbəkələr vasitəsilə Sumqayıt şəhər İcra Hakimiyyətinə, Səhiyyə Nazirliyinə, Ölkə başçısına, Daxili İşlər Nazirliyinə və Baş Prokurorluğa müraciət edərək, sözügedən qanunsuzluqlar barəsində tədbir görülməsini xahiş edir.

Baş prokurorluq demişkən, redaksiyamız tərəfindən bir çox sahələrdə şahidi olduğumuz qanunsuzluqlar barəsində dəfələrlə Baş Prokurorluğa biz də müraciətlər, sorğular göndərmişik.

Çox təəssüflə vurğulamalıyıq ki, nədənsə sözügedən bu hüquq mühafizə orqanının əməkdaşları ünvanlanmış müraciətləri ya görmür, ya da görməzdən gəlirlər.

Həmçinin müraciətdə adı çəkilən daha bir qurum - Səhiyyə Nazirliyinin ümumiyyətlə sanki, "donmuş" fəaliyyəti, eləcə də bu qədər narazı sakinlərin dərdinə dərman ola bilməyən Sumqayıt şəhər İcra Hakimiyyətinin fəaliyyətsizliyi heç də öz biganəliyi ilə bu qurumlardan geri qalmır.

Elə bu səbəblərdəndir ki, əli hər yerdən üzülən vətəndaşlar sözlərini ölkə başçısına demək üçün üz tuturlar media qapılarına.

Redaksiyamız hər kəsin söz haqqını tanıyır.

DogruXeber.az

Tibbi Ekspertiza BAZARINDA ŞIDIRĞI ALVER... - ŞOK FAKTLAR...

  • 10-11-2021, 12:30
  • 627


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Xətai polisindən narazılıq- Hadisə araşdırılmır
  2. Elşad Baratın şəhidlərə yazdığı kitab çap olundu - "Ölümsüzlər"
  3. Rusiyanın Rastov vilayətində Diaspor təşkilatına kimlər rəhbərlik edir?-Təşkilatda erməni izi
  4. Almaniyada koronavirus infeksiyası ilə bağlı vəziyyət son dərəcə ciddiləşib
  5. Yardımlı şəhər küçələrinin İlham Rzayev problemi…
  6. Azərbaycan nefti ucuzlaşdı
  7. Nərimanov rayonunda ““Addım - addım Vətən” adlı düşərgə” layihəsinin növbəti təlimi keçirilib
  8. Bakıda ödəmə terminalı oğurlandı: İçində külli miqdarda pul olub
  9. Atasını 40 bıçaq zərbəsi ilə öldürən gəncə hökm oxundu
  10. "DELTA”dan 15 DƏFƏ TƏHLÜKƏLİ... - İndi də “Omikron” dünyanı təhdid edir
«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 
MARAQLI