Son aylar uşaqlar arasında kəskin virus infeksiyası yayılıb. Əsas əlamətləri quru öskürək, yüksək hərarət olan virusun “ömrü” bir həftədir. Bir çox həkimlər əlamətin koronavirusun “Delta plus” ştamına bənzədiyini, lakin ölkədə mutasiyaya uğramış ştamlar üçün testin olmadığını əsas göstərərək, virusun adını təyin edə bilmədiklərini açıqlayıblar. Hazırda isə virusun "Omicron" ştamı olduğunu iddia edirlər. Xəstəxanlarda isə 39-40 hərarətlə gətirilən uşaqların sayı durmadan artır. Hətta bəzi xəstəxanalarda yer olmadığı bildirilir.
Tibb elmləri doktoru, professor, pediatr Nəsib Quliyev Modern.az-a açıqlamasında bildirib ki, bu virus koronavirusun “Omicron” və ya “Delta plus” ştamı deyil.
Onun sözlərinə görə son aylar uşaqlar arasında yayılan virus kəskin respirator virus infeksiyasıdır:
“Bizdə virusun indenfikasiyası aparılmayıb. Amma yayılan virus qrip və qripəbənzər xəstəliklər sırasındadır. Yəni, koronavirus və ştamları deyil”.
Nəsib Quliyev bildirib ki, uşaqlar arasında yayılan bu cür virusa hər il payızın sonu, qış aylarında müşahidə edirik:
“Ümumi virus xəstəliklərində olduğu kimi müalicəsi davam etdilir. Virusun əsas xüsusiyyəti quru öskürək, yüksək hərarətlə müşahidə olunur. Bu da daha çox respirator sinsitial virusa oxşayır. Şübhə olan kimi test verilir, yoxlanılır. Bu mövsumi qripə bənzər infeksiyadı”./Moderator.az/
