Tanımış estetik cərrah xanımı və övladlarını evdə soyuqdan dondurub? - İDDİA

206 24-01-2023, 18:32 cemiyyet

Tanımış estetik cərrah xanımı və övladlarını evdə soyuqdan dondurub? - İDDİAModern Hospitalda çalışan tanınmış plastik, rekonstruktiv və estetik cərrah Ruslan Rəsul vaxtilə öz həyat yoldaşı və iki azyaşlı uşağını evə bağlayıb, onları məqsədli şəkildə qazsız, işıqsız qoyub evdə dondurub.

Xeberdar.net pravda.az-a istinadla xəbər verir ki, bu iddiaları ictimai fəal Nərmin Şahmarzadə ictimailəşdirib.

N.Şahmarzadə R.Rəsulun öz ailəsinə fiziki şiddət göstərdiyini də iddia edib: “Qadının öz qazandığı pulun belə arxasına keçən bu şəxsin əlindən qadın uşaqlarla qaçıb güclə qurtuldu. Qadın uşaqlarının kitablarını, paltarlarını, öz paltarlarını bu adamdan ala bilmədi. Bu adam aylardır, aliment ödəmir, amma nişanlısı "charles and keith", "emporium" kimi markalardan hədiyyə, bahalı gül buketi paylaşıb “çox sağ ol, R” yazır. Rəsmi maaşı da 250 manatdır. Adamı ayrıca Dövlət Əmək Müfəttişliyi Xidmətinə də şikayət edəcəyik. İlk olaraq isə məhkəmənin niyə bu adamla bağlı addım atmadığını araşdıracağıq…”

Nərmin Şahmarzadənin iddialarının doğru olub-olmadığını araşdırmaq üçün Pravda.az-ın əməkdaşı Ruslan Rəsulla əlaqə saxlayıb.

R.Rəsulun açıqlamasını olduğu kimi təqdim edirik: “Hamısı yalandır. Nərmin kimdir, bilmirəm, tanımıram. Məhkəmə olub, məhkəmədə boşanma olub. Hər bir şeyə qərar verilib. Hamısı feministlərdir. Elə Nərminin özü də. Xahiş edirəm, məni narahat etməsinlər. Nə iddia danışırlar, qoy danışsınlar…”

XƏBƏR LENTİ