Mənzillərin qiyməti ucuzlaşdı

Mənzillərin qiyməti ucuzlaşdı



Mənzil bazarında qiymətlərdə azalma müşahidə edilir.

Xeberdar.net “MBA Ltd” qiymətləndirmə və konsaltinq şirkətinin monitorinq qrupunun apardığı araşdırmaya əsasən xəbər verir ki, orta təklif qiyməti kvadratmer üçün 1612 dollardan 1605 dollara düşüb. Milli valyuta ilə isə ay ərzində 1676 manatdan 1669 manata enib (0,43 faiz azalma).

2015-ci ilin ilk aylarından mənzil bazarında hiss edilən durğunluq iyul ayında da qeydə alınıb. Bu da əmlak bazarında qiymətlərin enməsi ilə yanaşı tələbin azalmasına gətirib çıxarıb. Həmçinin neftin qiymətinin ucuzlaşması və Rusiya iqtisadiyyatındakı durğunluq Bakının mənzil bazarına da mənfi təsir göstərib.

Qiymət azalması 3 otaqlı mənzillərdə daha çox müşahidə edilir. 1 otaqlı mənzillərin təklif üzrə payında isə artım müşahidə olunub. Təkliflə yanaşı otaqlar üzrə qiymət azalması 2 otaqlı mənzillərdən başqa digər müxtəlif otaqlı mənzillərdə baş verib.

Aparılan araşdırmalara əsasən “eksperimental”, “leninqrad”, “xruşşov” və “yeni tikili təmirli” layihəli binaların təklif portfelindəki payı bu ayda mütləq çoxluq təşkil edib.

Ötən ayda layihələr üzrə qiymət azalması daha çox italyan və eksperimental layihələrdə qeydə alınıb. Qiymət artımı isə daha çox alman, fransız və leninqrad layihələrində hiss edilib. Mənzillərin orta sahəsi 82.6 kv.m, orta otaq göstəricisi isə 2.42 təşkil edir. Hər otağın orta satış qiyməti 54 661 ABŞ dolları, mənzilin orta qiyməti isə 132 280 ABŞ dolları təşkil edib.

Ay ərzində rаyоnlаr üzrə qiymət dəyişməsi mövcud tələbə uyğun bаş vеrib. İyul ayında aktivlik əmsalına görə ən cəlbedici rayonlar ötən ayda olduğu kimi Nəsimi, Yasamal və Nərimanov rayonları olub.

Təkrar yaşayış mənzil bazarında kvadrat metrin qiymətinə görə təklif olunan ən bahalı mənzil “yeni tikili” layihəli 4 otaqlıda qeydə alınıb. “28 May” metro stansiyası yaxınlığında yerləşən 160 kv.m sahəyə malik olan, yaxşı təmirli mənzilin kvadrat metrinin satışa təklif olunan qiyməti 4100 dollar təşkil edib. Ən ucuz mənzil isə Abşeron rayonunda, Masazır qəsəbəsində yerləşən orta təmirli 72 kv.m-lik sahəyə malik “yeni tikili” layihəli, 1 otaqlı mənzildə qeydə alınıb - 580 dollar/kv.m.

Mənzillərin qiyməti ucuzlaşdı

  • 21-08-2015, 14:07
  • 760


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Universitetin sabiq müəllimi ADMİU-də baş verənlərlə bağlı Prezidentə müraciət etdi- ŞOK FAKTLAR
  2. Xaçmaz bazarında baş verənlər - xüsusi reportaj+VİDEO
  3. Keçmiş Maliyyə nazirindən Baş nazir dəyişikliyinə şərh:"İndiki həssas dönəmdə onun təyinatı təsadüfi deyil"
  4. "Qrunt suları torpaqları sıradan çıxarır, Meliorasiya heç bir İŞ GÖRMÜR" - GİLEY
  5. “Beynində yüz tülkü” olan “rus çarı” və başı İraqa qarışmış Ruhani:100 MİNLİK TÜRK GÜCÜ SURİYADA SON SÖZÜNÜ DEMƏYƏ HAZIRLAŞIR – Təhlil
  6. Sıra icra başçılarına çatdı... - Ələmə gözlənilir...
  7. “NƏ PULUMUZU QAYTARIR, NƏ DƏ EV VERİR…” – “Gedib ofisində tapırıq, lakin dərhal “aradan çıxır”
  8. Paşinyan 3 saatlıq məxfi görüş keçirdi...-İşğalçı rejim gərginlikdə...
  9. “Qarabağ Azərbaycandır!” Hərəkatı yaratmalıyıq” – Əli Əhmədov
  10. Təsəvvüf, Vəhdəti-vücud və An-i daimin qısa şərhi
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
MARAQLI