Türkiyə hərbçiləri Afrini artilleriya atəşinə tutdu – 30 terrorçu məhv edilib

804 17-01-2018, 14:03 dunya / gundem

Türkiyə hərbçiləri Afrini artilleriya atəşinə tutdu – 30 terrorçu məhv edilib
Türkiyə Silahlı Qüvvələrinin Suriyanın Afrin bölgəsində terrorçu PKK-nın YPG və PYD qollarının mövqelərini artilleriya atəşinə tutması nəticəsində 30 terrorçu məhv edilib.
“Report” “Sabah”a istinadən xəbər verir ki, məlumatı Türkiyə Silahlı Qüvvələrinin mətbuat xidməti yayıb.

Afrində keçiriləcək antiterror əməliyyatında iştirak edəcək Azad Suriya Ordusunun hazırlığı başa çatıb və 20 mindən çox döyüşçü Afrinə daxil olmaq üçün əmr gözləyir. Yerli sakinlərin Afrini tərk edərək Suriyanın Hələb əyalətinn şimal hissəsinə doğru hərəkət etdiyi bildirilib.

Suriyanın Kamışlı və Ayn əl-Arab bölgəsindən çox sayda PKK yönlü terrorçular ABŞ-ın verdiyi zirehli avtomobillər və silahları ilə birlikdə Bəşşar Əsədə məxsus silahlıların nəzarəti altında olan ərazilərdən keçərək Afrinə yerləşdirilib.

Qeyd edək ki, ötən gecə Türkiyənin xarici işlər naziri Mövlud Çavuşoğlu Kanadanın Vankuver şəhərində Şimali Koreyadakı vəziyyətə dair beynəlxalq konfrans çərçivəsində ABŞ-ın dövlət katibi Reks Tillersonla görüşüb. Türkiyəli diplomat amerikalı həmkarına ABŞ-ın YPG və PYD terrorçularından ibarət 30 minlik “sərhəd təhlükəsizliyi” ordusu yaratmasına etiraz etdiklərini söyləyib.

XƏBƏR LENTİ