Azərbaycanda bir gündə 56 nəfər TUTULDU

772 3-03-2018, 10:16 kriminal / gundem

Azərbaycanda bir gündə 56 nəfər TUTULDU
Ötən gün respublikada daxili işlər orqanları tərəfindən gün ərzində 111 cinayət faktı qeydə alınıb, onların da 25-i “isti izlər”lə açılıb.

Bu haqda Daxili İşlər Nazirliyindən məlumat verilib. Məlumata əsasən, əvvəlki dövrlərdən bağlı qalmış 21 cinayətin açılması təmin olunub.
Qeyd olunur ki, axtarışda olduğuna görə 29 nəfər saxlanılaraq aidiyyatı üzrə təhvil verilib.
Yollarda olan vəziyyətə gəlincə, ötən gün respublikanın avtomobil yollarında 5 yol-nəqliyyat hadisəsi baş verib, nəticədə 2 nəfər ölüb, 6 nəfər xəsarət alıb.
Bildirilir ki, daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 12, qanunsuz saxlanılan silah-sursatla bağlı 5 fakt müəyyən edilib. Cinayət törətməkdə şübhəli bilinən 27 nəfər saxlanılıb.

Xeberdar.net

XƏBƏR LENTİ