“Bu il iyulun 7-dən etibarən uranın zənginləşdirməsi daha 3,67% səviyyəsində olmayacaq”.
Bunu İran Prezidenti Həsən Ruhani deyib.
O, nüvə sazişi ilə bağlı öhdəlikləri bir kənara qoyub, zənginləşdirmə səviyyəsini yuxarı qaldıraraq istədikləri səviyyədə saxlayacaqlarını bildirib.
Xatırladaq ki, İran tərəfi ABŞ-ın nüvə sazişindən çıxmasının ili tamam olanda – mayın 8-də İranın nüvə proqramı üzrə Birgə Hərtərəfli Fəaliyyət Planının bir sıra öhdəliklərinin, o cümlədən zənginləşdirilmiş uran və ağır su ehtiyatları üzrə öhdəliklərin yerinə yetirilməsini dayandırdığını elan edib.
