Almaniya azərbaycanlı jurnalisti və ailəsini deportasiya edəcək - Dinini dəyişib, ölkəsinə iftira atsa da yaramadı

Almaniya azərbaycanlı jurnalisti və ailəsini deportasiya edəcək - Dinini dəyişib, ölkəsinə iftira atsa da yaramadıAlmaniya azərbaycanlı jurnalist Abil Həsənov, xanımı və 3 övladını deportasiya edəcək.Buna səbəb A.Həsənovun sığınacaq istəyinin rədd edilməsi və ailəyə verilən möhlət hüququ ilə yaşamaq icazəsinin bitməsidir.

Həsənovlar ailəsi 2017-ci ildə Almaniyaya gələrək bu ölkədən sığınacaq istəyib. Şols-Holte-Ştukenborq şəhərinə yerləşən ailənin sığınacaq istəyi 2020-ci ildə Minden inzibati məhkəməsi tərəfindən rədd edilib. Məhkəmə sığınacaq üçün təqdim edilən sübutların inandırıcı olmadığı qənaətinə gəlib. A.Həsənov ölkəsində təqib olunması ilə bağlı fikirlərini də məhkəmədə sübut edə bilməyib.

Onun sığınacaq almaq üçün saxta mılumatlar təqdim etdiyi ortaya çıxdıqda növbəti saxtakarlığa gedib.

Həsənovlar ailəsi bundan sonra yaşadıqları şəhərin kilsəsinə qəbul ediblər. Baptist icması Həsənovu və onun ailə üzvlərini öz sıralarına qəbul edib.

Dinini dəyişərək Həsənov özünün alman vəkili ilə birlikdə bəyan edib ki, indi heç bir halda onu geri deportasiya etmək olmaz. Çünki guya, Azərbaycanda “xristianlığı qəbul edənləri təqib edirlər”. Lakin bu yalana Almaniya hökuməti də inanmayıb və azərbaycanlı jurnalistə sığınacaq verməkdən imtina edib.

Xanımı ilə Şols-Holte-Ştukenborq şəhərindəki “Wittler” avtobus şirkətində süpürgəçi işləyən 53 yaşlı A.Həsənov və ailəsinə 22 iyul 2021-ci il tarixinə qədər verilən möhlət hüququ ilə yaşamaq icazəsi bitir. Həsənovlar ailəsi bu müddətə qədər ölkəni könüllü tərk etməsələr, miqrasiya idarəsi tərəfindən məcbur deportasiya ediləcəklər.

Məlumat üçün bildirək ki, iyulun sonuna kimi Almaniyadan azərbaycanlıların növbəti kütləvi deportasiyası gözlənilir.

Almaniya azərbaycanlı jurnalisti və ailəsini deportasiya edəcək - Dinini dəyişib, ölkəsinə iftira atsa da yaramadı

  • 5-06-2021, 11:20
  • 384


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Doğum evlərində süni qida bazarına yox deyək!
  2. Tarixlə döyüşənlər – İqbal Ağazadə yazır
  3. Göyçayda polis dələduzu himayə edir-İDDİA+ VİDEO
  4. SABİQ NAZİRƏ HÖKM OXUNDU
  5. Faiq Hüseynbəylinin şəhidə yazdığı kitabı çap olunub
  6. TƏLƏBƏ KREDİTİ KİMLƏRƏ VERİLƏCƏK? - Tələbələr krediti hansı formada ödəyəcək?
  7. ŞUŞA BƏYANNAMƏSİNİN MOSKVA ƏKS-SƏDASI... - Və Zaxarovanın şərh vermək haqqı
  8. Beynəlxalq federasiyanın prezidenti vəzifəsinə azərbaycanlı seçildi
  9. Təmiz Binəqədidə natəmiz görüntülər - VİDEO
  10. Ağalar Vəliyev nədən bu qədər MATAH OLUB Kİ... - “Kristal Abşeron” istədiyi fırıldağı çevirir...
«    İyun 2021    »
BeÇaÇCaCŞB
 123456
78910111213
14151617181920
21222324252627
282930 
MARAQLI