Ukraynanın Çerniqov vilayətində yük avtomobili ilə mikroavtobusun toqquşması nəticəsində 13 nəfər həlak olub.
AZƏRTAC xəbər verir ki, bu barədə Çerniqov vilayət dövlət administrasiyasının rəhbəri Vyaçeslav Çaus məlumat verib.
O bildirib ki, Çerniqovdan Sosnitsa istiqamətində hərəkət edən mikroavtobusun yük avtomobili ilə toqquşması nəticəsində 6 nəfər də xəsarət alıb.
Qəza ilə əlaqədar Fövqəladə Hallar üzrə Dövlət Xidmətinin canlı qüvvə və texnikası hadisə yerinə cəlb olunub.
Xeberdar.net