Eldar Mahmudovun oğlu dövlətə vergi borcunu ödəmək istəmir

Eldar Mahmudovun oğlu dövlətə vergi borcunu ödəmək istəmirİddia Bakı Kommersiya Məhkəməsinin icraatındadır

İqtisadiyyat Nazirliyi yanında Dövlət Vergi Xidməti Bakı şəhər Lokal Gəlirlər İdarəsi “Kaspian Kristal” MMC-ni məhkəməyə verib. İddia Bakı Kommersiya Məhkəməsinin hakimi Emin Əliyevin icraatındadır.

Gununsesi.info yazır ki, şirkətin 52 min 660 manat vergi borcu var. “Kaspian Kristal” MMC sıradan şirkət deyil. MMC keçmiş milli təhlükəsizlik naziri Eldar Mahmudovun oğlu Anar Mahmudova məxsusdur. Şirkətin qanuni təmsilçisi Fuad Vaqif oğlu Hacıyevdir.

Onun adına daha iki şirkət var: “Gravitylux” MMC və “Crystal Development” MMC. Bu şirkətlər də Anar Mahmudova məxsusdur. Bir neçə il əvvəl Anar Mahmudovun biznesi ilə bağlı mediada yer alan araşdırma materiallarında da bu şirkətlərin adı keçir.

2018-ci ildə məlum olmuşdu ki, “Crystal” şirkətlər qrupuna aid olan 5 şirkətin - “Caspian Kristal”, “Kristal Motors”, “Kristal İnşaat”, “Apallon Servis” və “Kristal Travel” dövlət büdcəsinə təkcə vergilər üzrə 7 milyon 357 min 123 manat və ya 4,3 milyon dollardan çox borcu ödəməyib. Bunun əsas hissəsi “Kristal Motors” MMC-nin payına düşüb. O zaman Bakı şəhəri Lokal Gəlirlər Departamenti “Kristal Motors” MMC-də apardığı kameral vergi yoxlaması zamanı mühasibat sənədlərində 2014-cü ilin mənfəət vergisinin külli miqdarda azaldıldığını müəyyən etmişdi. Şirkət yoxlamanın qərarından narazı qalsa da, bütün məhkəmələr dövlət orqanının xeyrinə qərar vermişdi. Həmin vaxt “Kristal Motors” MMC hesablanmış mənfəət vergisinin 2,2 milyon manat məbləğində aşağı salınmasını istəyirdi, lakin Ali Məhkəmə Bakı Apelyasiya Məhkəməsinin qərarını qüvvədə saxlamaqla borcun ödənməsinə dair qərarı qüvvədə saxlamışdı. 1 il öncə isə Bakı Apelyasiya Məhkəməsi “Vergilər Nazirliyi yanında Bakı Vergilər Departamentinin ”Diqlas-1" MMC-də apardığı vergi yoxlamasının qərarlarından şikayətini təmin etməmişdi. Şirkət məbləği açıqlanmayan borcu ödəməyə məcbur olmuşdu. Bakının Nizami rayonunda yanaraq külə dönən, sonradan özülünə qədər sökülən “Diqlas” ticarət mərkəzi də Eldar Mahmudovun ailəsinin çoxsaylı obyektlərindən biri idi.

Xeberdar.net

Eldar Mahmudovun oğlu dövlətə vergi borcunu ödəmək istəmir

  • 17-12-2021, 10:41
  • 296


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Faiq Ələkbərli Antalyada Yörük və Türklük Araşdırmaları Qurultayında iştirak edib
  2. İsmayıllıda evdən 21 000 manat oğurlayan şəxs saxlanılıb
  3. Yaponiya qərar verdi: Mərhələli şəkildə Rusiyanın...
  4. Kəlbəcərdə ordumuzun mövqeləri yenə ATƏŞƏ TUTULDU
  5. "Ukrayna müdafiə qüvvələri 1003 yaşayış məntəqəsini azad ediblər" - Prezident Ofisi
  6. Valyuta hərracında bankların dollara tələbi artıb
  7. Əhaliyə niyə əlavə qazpulu yazılır? - İLGİNC OYUNBAZLIQ...
  8. Qəbələdə bacısı və dayısı oğlunu bıçaqlayan şəxsin cinayət işi məhkəməyə göndərilib
  9. Doğma Yurda Qayıdış İB Ağdamda “Qalib Azərbaycan” adlı ədəbi-bədii tədbir keçirdi
  10. “Ətraf Mühitə Təsirin Qiymətləndirilməsi” mövzusunda növbəti təlim keçrildi
«    May 2022    »
BeÇaÇCaCŞB
 1
2345678
9101112131415
16171819202122
23242526272829
3031 
MARAQLI