“Ukraynanın müdafiəçiləri aprelin 23-də gün ərzində düşmənin 12 hücumunu uğurla dəf edib”.
Qafqaz.media xəbər verir ki, bu barədə Ukrayna Müdafiə Nazirliyi məlumat yayıb.
“Ukraynalı müdafiəçilər 4 tank, 5 artilleriya sistemi, 15 zirehli texnika, 1 zirehli döyüş maşını və 4 hərbi maşını məhv ediblər”, - məlumatda deyilir.
Həmçinin qeyd olunur ki, Ukrayna hava hücumundan müdafiə bölmələri Donbas səmasında bir təyyarə (Su-25), bir qanadlı raket və üç Orlan-10 tipli pilotsuz uçuş aparatını vurub.
Son məlumata əsasən, Ukrayna Silahlı Qüvvələri 21 600-ə yaxın rus işğalçısını məhv edib. Sıradan çıxarılan texnika sayı isə aşağıdakı kimidir:
tanklar - 854 ədəd;
zirehli döyüş maşınları - 2205 ədəd;
artilleriya sistemləri - 403 ədəd;
MLRS - 143 ədəd;
hava hücumundan müdafiə sistemləri - 69 ədəd;
təyyarə - 177 ədəd;
helikopterlər - 154 ədəd;
avtomobil avadanlığı - 1543 ədəd;
gəmilər / qayıqlar - 8 ədəd;
yanacaq və sürtkü yağları olan çənlər - 76 ədəd;
Əməliyyat-taktiki səviyyəli PUA-lar - 182 ədəd;
xüsusi avadanlıq - 27 ədəd;
işə salma qurğuları OTRK / TRK - 4 ədəd.
