Bəzən adi burun tutulmasi xərçəngin inkişafına işarə edə bilər.
KONKRET.az-ın məlumatına görə, həkimlər bildirirlər ki, burunun bir neçə ay ərzində səbəbsiz olaraq tutulması burun-udlağın xərçənginin simptomu kimi meydana çıxa bilər.
Bundan əlavə xəstədə boyunda ağrılı şiş və qulağın tutulması kimi simptomlar da əmələ gələ bilər.
Təəssüf ki, burun-udlaq xərçəngi “lal” xərçəng sayılır. Bu səbəbdən xəstələrin əksəriyyəti yalnız gecikmiş mərhələdə buna fikir verir və həkimlərə müraciət edirlər.
Burun-udlaq xərçənginin aşağıdakı kimi simptomları var:
– Boyunda 3 həftə ərzində keçməyən şişkinlik.
– Bir qulaqda eşitmənin azalması.
– Qulaqlarda küy.
– Burun qanaxması.
– Baş ağrıları.
– İkili görmə.
– Udmanın çətinləşməsi.
– Səsin tutulması, xırıltılı olması.
– Bədən çəkisinin azalması.
