Bu gün (05.10.2022) Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə vəsaiti ilə “Aşıq Pəri Məclisi” Ozan Sənətinin Təbliği İctimai Birliyinin həyata keçirdiyi “Ustad Dərsləri” Aşıq sənətinin yeniyetmə və gənclər arasında təbliği” layihəsi çərçivəsində aşıq sənətinin incəliklərinə yiyələnmək istəyən 8 (səkkiz) nəfər yeniyetmə və gəncə üçün üçüncü ustad dərsləri keçirildi.
Tədbir iştirakçılarını salamlayan “Aşıq Pəri Məclisi” Ozan Sənətinin Təbliği İctimai Birliyinin sədri Pərvanə Mustafayeva Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə bu layihənin icra olunması üçün verdiyi yüksək dəyərə və maliyyə dəstəyinə görə bir daha təşəkkür etdi. Növbəti dərsi keçmək üçün söz ustad dərsi keçmək üçün Aşıq Sevil (Xıdırova) Ədalətə verildi. Şagirdlərin ötən dərsdə verilən tapşırıqlara hazırlıqları yoxlanıldı. Sonra saz haqqında ümumi məlumat verildi, Azaflı dübeytisi havası tam şəkildə ifa olundu, Baş dübeyti havasından bir parça öyrənildi, növbəti dərs üçün ev tapşırıqları verildi.
Bugünkü ustad dərsində Türkiyənin Mula şəhərindən qonaq gəlmiş sazbənd və aşıqlar İşık İşik, Baran İşıq iştirak etdilər və sona qədər tədbiri maraqla izlədilər.
Qeyd edək ki, iki ay (01.09.2022 – 01.11.2022) müddətinə icra olunacaq layihə çərçivəsində 8 nəfər yeniyetmə və gəncə saz sənəti haqqında zəruri biliklər veriləcək.
Xeberdar.net
