Oktyabrın 26-da Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə vəsaiti ilə “Aşıq Pəri Məclisi” Ozan Sənətinin Təbliği İctimai Birliyinin həyata keçirdiyi “Ustad Dərsləri” Aşıq sənətinin yeniyetmə və gənclər arasında təbliği” layihəsi çərçivəsində aşıq sənətinin incəliklərinə yiyələnmək istəyən 8 (səkkiz) nəfər yeniyetmə və gəncə on ikinci ustad dərsləri keçirildi.
Tədbir iştirakçılarını salamlayan “Aşıq Pəri Məclisi” Ozan Sənətinin Təbliği İctimai Birliyinin sədri, layihənin rəhbəri Pərvanə Mustafayeva maliyyə dəstəyi verdiyinə görə bir daha Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə təşəkkür etdi. Bildirdi ki, az bir vaxtda şagirdlərin saz sənətini öyrənməsində böyük irəliləyişlər vardır. Şagirdləri bu cür həvəslə ustad dərslərini öyrənməsində Sevil (Xıdırova) Ədalətin böyük zəhməti var. O, buna görə, ustad dərslərini şagirdlərə öyrədən Sevil (Xıdırova) Ədalətə təşəkkür etdi və növbəti dərsi keçmək üçün sözü ona verdi.
Növbəti dərs başladı. Evə verilən tapşırıqları şagirdlərdən soruşuldu, Şagirdlər Osmanli Divanisi saz havasını bütöv formada sazda ifa etdilər. Ana yurdum Azərbaycan şerini şer formasında söylədilər və sazda Osmanlı Divanisi havasinı da oxudular.
Sonda Sevil (Xıdırova) Ədalət layihəyə dəstək verdiyinə görə bir daha Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə təşəkkür etdi.
Qeyd edək ki, iki ay (01.09.2022-01.11.2022) müddətinə icra olunacaq layihə çərçivəsində 8 nəfər yeniyetmə və gəncə saz sənəti haqqında zəruri biliklər veriləcək.
Xeberdar.net
