Rusiya Prezidenti Vladimir Putindən Ukraynanın enerji infrastrukturuna zərbələri müvəqqəti dayandırmaq əmri alınan zaman havada yeddi rus pilotsuz təyyarəsi var idi. Həmin PUA-lar Rusiya HMM sistemləri tərəfindən vurulub.
Xeberdar.net məlumat verir ki, bu barədə Rusiya Müdafiə Nazirliyi məlumat yayıb.
“PUA-lardan 6-sı “Pansir” zenit-raket kompleksləri, biri isə Rusiya Hava Kosmik Qüvvələrinə məxsus qırıcı ilə vurulub”, - məlumatda qeyd olunub.
Qeyd edək ki, dünən ABŞ Prezidenti Donald Trampla Rusiya Prezidenti Vladimir Putin arasında aparılan telefon danışığı zamanı Ukraynanın enerji infrastrukturuna zərbələrin endirilməməsi barədə razılıq əldə olunub.
