MTN-də POLKOVNİKİNİ DÖYÜB, NAZİRİN ƏLEYHİNƏ İFADƏ VERMƏYİ TƏLƏB EDİBLƏR - "Məndən 315 min dollar aldılar” (Yenilənib)

MTN-də POLKOVNİKİNİ DÖYÜB, NAZİRİN ƏLEYHİNƏ İFADƏ VERMƏYİ TƏLƏB EDİBLƏR - "Məndən 315 min dollar aldılar” (Yenilənib)Ləğv edilmiş Milli Təhlükəsizlik Nazirliyinin rəhbərliyi keçmiş müdafiə naziri Səfər Əbiyevi həbs etmək planları qurub. virtualaz.org xəbər verir ki, bu məsələ nazirliyin Hərbi Əks-Kəşfiyyat İdarəsinin rəisi olmuş general Nizami Şirinovun işi üzrə keçirilən məhkəmədə üzə çıxıb.

Xəbər verildiyi kimi, ötən həftə Nizami Şirinovun və onun tabeçiliyindəki idarələrin Elcan Abdullayev və Elman Tahirovun, əməliyyat müvəkkili işləmiş Nadir Nəzirovun cinayət işi üzrə məhkəmə prosesi başlayıb. Hakim jurnalistləri ötən iclasda zala buraxsa da bu gün heç bir əsas göstərmədən onların prosesi izləməsinə icazə verməyib. Bununla belə jurnalistlər iclasda nələr baş verdiyinə dair bəzi məlumatlar əldə edə biliblər.

Hakim Camal Ramazanovun sədrliyi ilə keçirilən prosesdə zərərçəkmiş qismində Müdafiə Nazirliyinin keçmiş əməkdaşı, polkovnik Mirzəli Yusifov dindirilib. M.Yusifov 2009-2013-cü illərdə Ali Hərbi Məktəbin rəisi vəzifəsini icra edib. Daha əvvəl isə Müdafiə Nazirliyinin 112-ci alayının komandiri olub. Azərbaycanın NATO kontingenti tərkibində Əfqanıstanda xidmət edən sülhməramlı taboru da həmin alayın tərkibində idi.
MTN-də POLKOVNİKİNİ DÖYÜB, NAZİRİN ƏLEYHİNƏ İFADƏ VERMƏYİ TƏLƏB EDİBLƏR - "Məndən 315 min dollar aldılar” (Yenilənib)
Nizami Şirinov
Belə məlum olur ki, Hərbi Əks-Kəşfiyyat İdarəsi M.Yusifovu 2007-ci ildə bir dəfə “yolub”, buraxıb.

“2007-ci ildə MTN-in Hərbi əks-Kəşfiyyat Baş İdarəsinə çağırıldım. İdarədə mənə saxta ittihamla cinayət işi açacaqlarını bildirdilər və həbslə şantaj olundum. Onlar məndən əvvəl 275 min dollar, daha sonra isə 25 min dollar pul aldılar. Bir qədər sonra isə 15 min dollar pul verməyə məcbur olundum. Məndən cəmi 315 min dollar pul alındı”,-o bildirir.

Polkovnik Yusifov MTN bandasına vermək üçün cəmlədiyi bu qədər pulun mənbəyini əlbətdə, açıqlamayıb. Amma o vaxtlar KİV-lərdə belə xəbərlər dolaşırdı ki, Müdafiə Nazirliyinin sülhməramlı taborunun tərkibində xidmət etmək və beləliklə də dollarla yaxşı maaş almaq istəyənlər gərək bir neçə aylıq maaşlarını rəhbərliyə ödəyəydilər. Görünür əks-kəşfiyyatın “çekistləri” də bu qazanc mənbəyindən xəbərdar olublar və ondan Mirzəli Yusifova qarşı kompromat kimi istifadə edərək yüz minlərlə dollarını alıblar.

MTN-də POLKOVNİKİNİ DÖYÜB, NAZİRİN ƏLEYHİNƏ İFADƏ VERMƏYİ TƏLƏB EDİBLƏR - "Məndən 315 min dollar aldılar” (Yenilənib)
“İdarədə məni döydülər, qulaqlarımın pərdəsi deşildi. Həmin vaxtı nazirliyin əməkdaşları Elcan Abdullayev və Nadir Nəzirov orada iştirak edirdi. Onlar məndən 300 min dollar pul tələb etdilər. Həmçinin həmin şəxslər keçmiş müdafiə naziri Səfər Əbiyevin əlehinə ifadə verməyimi tələb etdilər. İmtina etdim. Bildirdilər ki, eyni kamerada Səfər Əbiyevlə birgə saxlanılacam, digər kamerada isə müdafiə nazirinin müavini, general Məmməd Beydullayev və Hərbi Dəniz Qüvvələrinin keçmiş komandanı, vitse-admiral Şahin Sultanov olacaq. Mən qəti şəkildə bundan imtina etdim. Elə də oldu, rüşvət almaqda ittiham olunaraq saxlanıldım. 2 il 2 ay müddətinə azadlıqdan məhrum edildim, cəzamı çəkib azadlığa çıxdım”,-o bildirir.

Xatırladaq ki, M.Yusifov rüşvət alma ittihamı ilə həbs olunub, 2015-ci ildə məhkəmə onu 3 il azadlıqdan məhrum etmişdi.

***

Azərbaycanın ləğv edilmiş Milli Təhlükəsizlik Nazirliyinin (MTN) Hərbi əks-Kəşfiyyat Baş İdarəsinin sabiq rəisi general Şirinov Nizami Talış oğlu və qurumun tərkibində olan idarələrin rəisləri işləmiş Elcan Abdullayev və Elman Tahirov, əməliyyat müvəkkili işləmiş Nadir Nəzirovun cinayət işi üzrə məhkəmə iclası davam etdirilib.

"Report"un məlumatına görə, Bakı Hərbi Məhkəməsinin hakimi Camal Ramazanovun sədrliyi ilə keçirilən prosesdə zərərçəkmiş qismində Müdafiə Nazirliyinin sabiq əməkdaşı, polkovnik Mirzəli Yusifov dindirilib.

O deyib ki, 2009-2013-cü illərdə Azərbaycan Ali Hərbi Məktəbinin (AAHM) rəisi vəzifəsində çalışıb: “2007-ci ildə MTN-in Hərbi əks-Kəşfiyyat Baş İdarəsinə çağırıldım. İdarədə mənə saxta ittihamla cinayət işi açacaqlarını bildirdilər və həbs edəcəkləri ilə şantaj olundum. Onlar məndən əvvəl 275 min dollar, daha sonra isə 25 min dollar pul aldılar. Bir qədər sonra isə 15 min dollar pul verməyə məcbur olundum. Ümumilikdə məndən 315 min dollar pul alındı”.

M.Yusifov söyləyib ki, 2013-cü ildə AAHM rəisi vəzifəsindən azad olunandan sonra yenidən Hərbi əks-Kəşfiyyat Baş İdarəsinə dəvət edilib: “İdarədə məni döydülər, qulaqlarımın pərdəsi deşildi. Həmin vaxtı nazirliyin əməkdaşları Elcan Abdullayev və Nadir Nəzirov orada iştirak edirdi. Onlar məndən 300 min dollar pul tələb etdilər. Həmçinin həmin şəxslər sabiq müdafiə naziri Səfər Əbiyevin əleyhinə ifadə verməyimi tələb etdilər. İmtina etdim. Bildirdilər ki, eyni kamerada Səfər Əbiyevlə birgə saxlanılacam, digər kamerada isə general Məmməd Beydullayev və Hərbi Dəniz Qüvvələrinin sabiq komandanı, vitse-admiral Şahin Sultanov da olacaq. Mən qəti şəkildə bundan imtina etdim. Elə də oldu, rüşvət almaqda ittiham olunaraq saxlanıldım. 2 il 2 ay müddətinə azadlıqdan məhrum edildim, cəzamı isə çəkib azadlığa çıxdım”.

Növbəti proses oktyabrın 21-də davam etdiriləcək.

***

Azərbaycanın ləğv edilmiş Milli Təhlükəsizlik Nazirliyinin (MTN) Hərbi əks-Kəşfiyyat Baş İdarəsinin sabiq rəisi general Şirinov Nizami Talış oğlu və qurumun tərkibində olan idarələrin rəisləri işləmiş Elcan Abdullayev və Elman Tahirov, əməliyyat müvəkkili işləmiş Nadir Nəzirovun cinayət işi üzrə məhkəmə iclası davam etdirilir.

"Report"un məlumatına görə, Bakı Hərbi Məhkəməsinin hakimi Camal Ramazanovun sədrliyi ilə keçirilən prosesə jurnalistlər buraxılmayıb.

Belə ki, təqsirləndirilən şəxslərin yaxınları məhkəmə prosesinə buraxılsa da, heç bir səbəb göstərmədən jurnalistlərin məhkəmə zalına daxil olmasına icazə verilməyib.

Hazırda məhkəmə iclası davam edir.

İttihama görə, N.Şirinovun MTN-in Hərbi əks-Kəşfiyyat Baş İdarəsinin rəisi vəzifəsində çalışdığı müddətdə qeyd edilən qurumun tərkibində olan idarələrin rəisləri işləmiş E.Abdullayev və E.Tahirov, əməliyyat müvəkkili işləmiş N.Nəzirov ilə mütəşəkkil dəstə tərkibində zərərçəkmiş şəxsin və onun yaxın qohumlarının şəxsiyyətləri üzərində zor göstərilməsi, haqqında rüsvayedici məlumatlar yayma hədəsi ilə ayrı-ayrı şəxslərin külli miqdarda əmlaklarını və pul vəsaitlərini ələ keçirməsinə, xidməti vəzifəsinin icrası ilə əlaqədar qanunsuz hərəkətə (hərəkətsizliyə) görə, eləcə də xidmət üzrə ümumi himayədarlıq müqabilində külli miqdarda rüşvəti hədə-qorxu tətbiq etməklə almasına, həmçinin cinayət yolu ilə əldə edilmiş külli miqdarda əmlakın leqallaşdırmasına əsaslı şübhələr müəyyən edilib.

N.Şirinova Cinayət Məcəlləsinin 182.3.2 (ağırlaşdırıcı hallarda hədə qorxu ilə tələb etmə), 193-1.3.2 (cinayət yolu ilə əldə edilmiş pul vəsaitlərini və ya digər əmlakı leqallaşdırma), 311.3.4 (ağırlaşdırıcı hallarda rüşvət alma) və digər maddələri ilə ittiham elan edilməklə barəsində məhkəmənin qərarı ilə həbs qətimkan tədbiri seçilmiş, E.Abdullayev, E.Tahirov və N.Nəzirov həmin Məcəllənin 341.2.1, 341.2.3-cü (vəzifə səlahiyyətlərindən sui-istifadə və ya vəzifə səlahiyyətlərini aşma) və digər maddələri ilə təqsirləndirilən şəxs qismində cəlb edilməklə barələrində başqa yerə getməmək haqqında iltizam qətimkan tədbiri seçilib.

Cinayət işinin ibtidai istintaqı zamanı vurulmuş maddi ziyanın bir hissəsinin ödənilməsi təmin edilib, xüsusi müsadirəni təmin etmək məqsədilə məhkəmənin qərarı ilə təqsirləndirilən şəxslərə məxsus daşınmaz əmlak üzərinə həbs qoyulub.

Cinayət işi üzrə ittiham aktı təsdiq edilərək baxılması üçün aidiyyəti üzrə Bakı Hərbi Məhkəməsinə göndərilib.

MTN-də POLKOVNİKİNİ DÖYÜB, NAZİRİN ƏLEYHİNƏ İFADƏ VERMƏYİ TƏLƏB EDİBLƏR - "Məndən 315 min dollar aldılar” (Yenilənib)

  • 14-10-2021, 19:30
  • 279


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Mehdiyevin kürəkəni dövlətdən PUL GİZLƏDİR? - İDDİA
  2. Zəlzələ nəticəsində Böyük Çin səddinin bir hissəsi uçub
  3. Bakıda 18 min manat dəyərində yağış suları üçün olan dəmir barmaqlıqlar oğurlanıb - VİDEO
  4. AZƏRBAYCANDA "OMİKRON" ŞTAMI AŞKARLANDI - Əhaliyə müraciət
  5. “CİN ŞÜŞƏDƏN ÇIXIB, KTMT ÇƏTİN Kİ, ONU YERİNƏ QAYTARA BİLSİN...” - “Nazarbayev Lukaşenko kimi Rusiyanın təsirindən çıxmağa cəhd göstərib və...”
  6. Qazaxıstanda baş verənlər Türkiyə-Rusiya rəqabətinin yeni dalğasıdır?
  7. "Yapı Kredi Bank Azərbaycan"dan NARAZILIQ - "Eynisini mən onlara 5 il əvvəl dedim..."
  8. Bakıda şagirdləri döyən direktora şiddətli töhmət verilib
  9. MN Seyfəli poliqonunda partlayışlara görə əhalini təşvişə düşməməyə çağırıb
  10. Azərbaycanda vəzifəli şəxs vəfat etdi - FOTO
«    Yanvar 2022    »
BeÇaÇCaCŞB
 12
3456789
10111213141516
17181920212223
24252627282930
31 
MARAQLI