Qobustanda "Şahin" hərbi idman oyunlarının rayon mərhələsi keçirilib - FOTOLAR
Xəbərdar.net xəbər verir ki, A.O.Çernyayevski adına Qobustan şəhər 1 saylı tam orta məktəbdə baş tutan yarışda 9 məktəbi təmsil edən komanda iştirak edib.
Tədbirdə çıxış edən Qobustan rayon Gənclər və idman İdarəsinin rəisi Qadir Əkbərov və A.O.Çernyayevsi adına Qobustan şəhər 1 saylı məktəbin direktoru Qurban Osman hərb sahəsinin önəmindən, gənclərimizin sağlam və vətənpərvər ruhda böyüməsindən danışdılar. Daha sonra şəhidlərimizin xatirəsi 1 dəqiqəlik sükutla yad edildi və himnimizin səslənməsi ilə hərbi idman oyunları başladı.
Ümumi məruzədən sonra komandalar müxtəlif mərhələlər üzrə normativləri yerinə yetirdilər.
Keçirilən hərbi-idman oyununda Rauf Babaşov adına tam orta məktəb komandası birinci yeri, Şikar Şikarov adına Sündü kənd tam orta məktəb komandası ikinci yeri, A.O.Çernyayevski adına Qobustan şəhər 1 saylı tam orta məktəb komandası üçüncü yeri tutdu.
Qaliblərə diplomlar və hədiyyələr təqdim edildi.
Qalib olan Rauf Babaşov adına Cəmcəmli kənd tam orta məktəb komandası 26 aprel tarixində Yevlax şəhərində keçiriləcək "Şahin" hərbi-idman oyunlarının zona mərhələsində Qobustan rayonunu təmsil edəcək.
Mirzə Li
Xəbərdar.net