Bu gün (17.10.2022) Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə vəsaiti ilə “Aşıq Pəri Məclisi” Ozan Sənətinin Təbliği İctimai Birliyinin həyata keçirdiyi “Ustad Dərsləri” Aşıq sənətinin yeniyetmə və gənclər arasında təbliği” layihəsi çərçivəsində aşıq sənətinin incəliklərinə yiyələnmək istəyən 8 (səkkiz) nəfər yeniyetmə və gəncə 7-ci ustad dərsləri keçirildi.
Tədbir iştirakçılarını salamlayan “Aşıq Pəri Məclisi” Ozan Sənətinin Təbliği İctimai Birliyinin sədri, layihənin rəhbəri Pərvanə Mustafayeva maliyyə dəstəyi verdiyinə görə bir daha Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə təşəkkür etdi. Növbəti dərsi keçmək üçün sözü Aşıq Sevil (Xıdırova) Ədalətə verdi.
Sonra növbəti dərs başladı. Şagirdlərin ötən dərsdə verilən ev tapşırıqları hazırlığı yoxlanıldı. Keçən dərs ev tapşırığı kimi verilmiş Belə Bax şeri əzbər söylənildi, Əsli və Kərəm dastanından bir parça şer oxundu, Gödək Donu havası sazda ifa olundu. Şagirdlərə ev tapşırığı olaraq keçən dərsləri təkrarlamaq, gələn dərsdə öyrəndikləri şeirləri intonasiya ilə demək, Kərəm Gözəlləməsi havasını həm sazda ifadə etmək , həm də oxumaq tapşırığı verildi.
Qeyd edək ki, iki ay (01.09.2022-01.11.2022) müddətinə icra olunacaq layihə çərçivəsində 8 nəfər yeniyetmə və gəncə saz sənəti haqqında zəruri biliklər veriləcək.
Xeberdar.net
