Saakaşvilinin bloku boykotu dayandırdı – Müxalifət parlamentə qayıtdı

Saakaşvilinin bloku boykotu dayandırdı – Müxalifət parlamentə qayıtdıGürcüstanın əsas müxalifət lideri Nika Melia bəyan edib ki, Birləşmiş Milli Hərəkat (BMH) yeddi aylıq boykotdan sonra parlamentin işinə qatılacaq.

“Oliqarx Bidzina İvanişvilinin ələ keçirdiyi Gürcüstan dövlətini azad etməkdən ötrü parlamentə girəcəyik”, – Melia Tbilisidə jurnalistlərə deyib.

Multimilyarder İvanişvili hakim “Gürcü Arzusu” partiyasının qurucusudur. Hakim partiya ötən oktyabrda parlament seçkisini udandan sonra ölkədə siyasi iflic vəziyyəti yaranıb. Müxalifət seçkinin ədalətsiz, saxtakarlıqla keçdiyini bildirir.

Bundan sonra müxalifət partiyaları parlamenti boykot edib, yeni seçki tələbiylə etirazlar keçirilib. Birləşmiş Ştatlar və Avropa Birliyi böhranın həllində vasitəçi rolu oynayıb.

Mayın əvvəlində Melia Avropa Birliyinin köməyi ilə girovluğa buraxılıb. O, 2019-cu ilin antihökumət etirazları zamanı kütləvi iğtişaşların təşkilində suçlanaraq barəsində həbs qətimkan tədbiri seçilmişdi. BMH onun həbsini siyasi motivli hesab edirdi. Bundan sonra ölkədə siyasi böhran daha da dərinləşdi.

Aprelin 19-da Avropa Birliyi Şurasının Prezidenti Şarl Mişel müxalifətlə hakim partiya arasında kompromis razılaşmasının əldə olunmasına vasitəçilik etdi, bir sıra müxalifət partiyalarının parlamentə daxil olmasının yolu açıldı. Melianın həbsxanadan buraxılması da həmin razılaşmanın bir hissəsi idi.

Amma keçmiş prezident Mixeil Saakaşvilinin təsis etdiyi BMH digər partiyalarla birlikdə parlamentə girmədi və 150 yerlik qanunverici orqanda 36 yer boş qaldı. Melia BMH-ın parlamentə qayıdışını açıqlayarkən AB-nin vasitəçilik etdiyi siyasi razılaşma çərçivəsində öhdəlik götürməyib.

AB və ABŞ-ın Gürcüstandakı missiyası birgə bəyanatlarında BMH-ın parlamentə qayıdışını ölkədə demokratiyanın möhkəmlənməsi yönündə daha bir pozitiv addım adlandırıb.

“Ancaq Birləşmiş Milli Hərəkatın fürsətdən istifadə edərək digər parlament partiyaları ilə birlikdə 19 aprel razılaşmasını imzalamamasından dərin təəssüf hiss keçiririk”, – missiyaların bəyanatında vurgulanır.

AB-nin vasitəçilik etdiyi razılaşmaya görə, “Gürcü Arzusu” builki bələdiyyə seçkilərində 43 faizdən az səs yığarsa, 2022-ci ildə erkən parlament seçkisi keçiriləcək. Sənəddə həmçinin parlamentdə hakimiyyət bölgüsünün qaydaları müəyyənləşdirilir, ədliyyə sistemində islahatlar əks olunur, Mərkəzi Seçki Komissiyasına islahatlar təklif edilir.

“AzPolitika.info”

Saakaşvilinin bloku boykotu dayandırdı – Müxalifət parlamentə qayıtdı

  • 31-05-2021, 10:39
  • 443


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Doğum evlərində süni qida bazarına yox deyək!
  2. Tarixlə döyüşənlər – İqbal Ağazadə yazır
  3. Göyçayda polis dələduzu himayə edir-İDDİA+ VİDEO
  4. SABİQ NAZİRƏ HÖKM OXUNDU
  5. Faiq Hüseynbəylinin şəhidə yazdığı kitabı çap olunub
  6. TƏLƏBƏ KREDİTİ KİMLƏRƏ VERİLƏCƏK? - Tələbələr krediti hansı formada ödəyəcək?
  7. ŞUŞA BƏYANNAMƏSİNİN MOSKVA ƏKS-SƏDASI... - Və Zaxarovanın şərh vermək haqqı
  8. Beynəlxalq federasiyanın prezidenti vəzifəsinə azərbaycanlı seçildi
  9. Təmiz Binəqədidə natəmiz görüntülər - VİDEO
  10. Ağalar Vəliyev nədən bu qədər MATAH OLUB Kİ... - “Kristal Abşeron” istədiyi fırıldağı çevirir...
«    İyun 2021    »
BeÇaÇCaCŞB
 123456
78910111213
14151617181920
21222324252627
282930 
MARAQLI