"Azərbaycanda körpələr arasında cins nisbətində rəqəmlər təhlükəli xarakter almağa başlayıb".
“Report”un xəbərinə görə, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova parlamentin bu gün keçirilən iclasında “Gender bərabərliyinin təmin edilməsinə nəzarəti həyata keçirən müvafiq icra hakimiyyəti orqanının illik məlumatı"nı təqdim edərkən deyib.
Onun sözlərinə görə, Azərbaycan cins nisbətinə görə dünyada ikinci yerdədir: "Bioloji normanın pozulması halları sürətlənir. Doğulan uşaqlar arasında cins nisbəti 100 qız, 114 oğlan olmaqla bioloji norma pozulmaqdadır”.
