11:19
İstanbulda üçmərtəbəli yaşayış binası çöküb, dağıntılar altında qalanlar var.
Xeberdar.net-in məlumatına görə,hadisə şəhərin Küçükçekmece rayonunda baş verib.
İstanbul valiliyindən verilən məlumata görə, indiyədək dağıntılar altından iki nəfər yaralı olaraq çıxarılıb.
Hadisə yerli vaxtla saat 08:40 (Bakı vaxtı ilə 08:40) radələrində baş verib.
***
İstanbulda çökən üçmərtəbəli yaşayış binasının dağıntıları altından 7 nəfər yaralı olaraq çıxarılıb, onlardan 2-nin vəziyyəti ağırdır.
Daha iki nəfərin dağıntılar altında qaldığı ehtimal edilir.
Hadisənin başvermə səbəbi hələ məlum deyil.
Yaşayış binasının 1988-ci ildə inşa olunduğu bildirilir.
***
Türkiyənin Təbii Fəlakət və Fövqəladə Hallar Agentliyi dağıntılar altından bir nəfərin meyitinin çıxarıldığını bildirib.
Dağıntılar altından xilas edilən 8 nəfər isə xəstəxanaya yerləşdirilib.
Hazırda dağıntı altında heç kimi qalmadığı təxmin edilir, buna baxmayaraq, axtarışlar davam edir.
