Regional idarənin rəhbəri Elman Məmmədov şkayətçilərə konkret cavab verir: “Qonaq gəlibsə yola salmaq lazımdır.”
Bir neçə gün öcə Conflict.az-da dərc olunmuş “İmişlidə Süleyman Bəşirovdan Nazim Əzimova qalan “mədəni miras” - işçilərdən toplanan 30 manatın absurd təyinatı”- adlı məlumatda qeyd edilmişdi ki, İmişl Mədəniyyət və Turizm idarəsinin müdiri Nazim Əzimov 7 martda işçilərə aldıqları əmək haqlarından 30 manat məbləğində idarəyə verlməsi üçün qeyri – rəsmi tapşırıq verib. Mənbənin verdiyi məlumata görə N.Əzimov bu məbləğin 2018-ci ildə pambıq əkinində istifadə ediləcəyini əsas kimi göstərib. Və xatırlatmışdıq ki, İmişli Mədəniyyət və Turizm idarəsinin qarşıya qoyduğu “planı” hətta Kənd Təsərrüfatı nazirliyi belə müəyyən etmir. Ötən gün rayondakı mənbədən daxil olan məlumatda bildirlir ki, Nazim Əzimovun tələbləri bitib tükənmir. 
Novruz bayramından öncədən başlayan proses bu günə qədər davam edir. Mənbə bildirir ki, İmişli MTİ-nin rəisi əməkdaşlardan ayrı – ayrı adlar altında, müxtəlif məbləğlərdə toplatdırdığı vəsaiti vermək istəməyənləri işdən azad etməklə təhdid edir. Rayon MTİ-nin əməkdaşları ilə vasitəli əlaqə zamanı məlum oldu ki, Nazim Əzimovun tələbləri ilə bağlı Kürdəmir Regional Mədəniyyət və Turizm İdarəsinin rəhbərliyinə edilən şikayətlər də, nəticəsiz qalır. Belə ki, regional idarənin rəhbəri Elman Məmmədov şkayətçilərə konkret cavab verir: “Qonaq gəlibsə yola salmaq lazımdır.” Onu da xatırladaq ki, 2017-ci ilin yanvarın 25-dən Elman Məmmədov Kürdəmir Regional Mədəniyyət və Turizm İdarəsinin rəisi vəzifəsinə təyin olunub.
Mənbə əlavə olaraq bildirdi ki, əməkdaşların əmək haqlarından ödəmələri bununla da bitmir. Real bazar qiymətləri ilə müqayisədə olduqca cüzi əmək haqqı alan İmişli MTİ-nin işçiləri Nazim Əzimovun tələbindən başqa, əlavə olaraq məcburi qaydada müxtəlif adlı qəzet və jurnallara da abunə olmaq məqsədilə vəsaitlər ödəmək məcburiyyətinədirlər. Məsələ ilə bağlı idarə əmkdaşlarından biri olduqca maraqlı fikir bildirdi: “Hesab edin ki, biz pulsuz işləyirik. Çünki Nazim Əzimovun aylıq tələbləri müqabilində bir ay çalışıb alacağımız əmək haqqından demək olar ki, əlimizdə heç nə qalmır.” Xatırladaq ki, bir neçə il öncə İmişli MTİ-nin sabiq rəisi Süleyman Bəşirov külli miqdarda dövlət əmlakını mənimsədiyi üçün əzifəsindən azad edilmiş və haqqında cinayət işi başlanmışdır. Onu da qeyd edək ki, həmin cinayət işi Lənkəran Ağır Cinayətlər məhkəməsinə göndərilib.
Mövzuya qayıdacağıq.
Redaksiya yazıda adı çəklən qurum və ya şəxslərində cavab haqlarını tanıyır, dərc etməyə hazırdır.
Xeberdar.net
