Bütöv Azərbaycan Ocaqları İranın Əl-əhvaz bölgəsindəki kütləvi etirazlarla bağlı bəyanat yaydı

Bütöv Azərbaycan Ocaqları İranın Əl-əhvaz bölgəsindəki kütləvi etirazlarla bağlı bəyanat  yaydıBütöv Azərbaycan Ocaqları İranın Əl-əhvaz bölgəsindəki kütləvi etirazlarla bağlı bəyanat yayıb. Xeberdar.net-ə göndərilən bəyanatda deyilir.

"Son vaxtlar İran adlanan ölkədə sadə xalq kütlələrinin iqtisadi durumunun getdikcə pisləşməsi fonunda kütləvi etitazlar dalğası artmaqdadır. Gündən-günə xalqla öz arasındakı uçurumun dərinləşdiyini görən şovinist fars rejimi özəlliklə başqa millətlər yaşayan bölgələrdə daha çox zalımlıq edir, adi insan haqlarına belə məhəl qoymur. Sanki bununla da bütün xalqların etiraz və üsyanlarından diqqəti yayındırmaq və milli-etnik qarşıdurmalara yol açmaq kimi iyrənc məqsədlər güdürlər.

Bu yaxınlarda Əl-Əhvazda (Xuzistan) yaradılmış su qıtlığı problem də bu qəbildəndir. Belə ki, oradan axan Karun çayının qabağını kəsib, farslar yaşayan bölgələrə yönəldir və onlar üçün süni göl yaratmaq istəyirlər (Bir vaxtlar ətrafında azərbaycanlıların kompakt yaşadığı Urmu gölünün qurudulması da eyni dərəcədə amansız və acınacaqlı sonuclara gətirib çıxarmışdı. Onun acılarını həmin bölgədə yaşayan Azərbaycan türkləri indi də çəkməkdədir).

Havaların isti keçdiyi yay aylarında, iqtisadu durumu onsuz da ağır olan və səbr kasası daşan yerli əhali (əsasən ərəblərdən ibarətdir) kütləvi şəkildə ayağa qalxmış, dövlət və hökumət əleyhinə şüarlar səsləndirmişlər. Həmişə olduğu kimi, qatil şovinist fars rejimi bu eturazları qan gölündə boğmuş, silahsız insanları gülləbaran etmiş və dinc əhaliyə müxtəlif işgəncələr vermişdir. Xeyli sayda ölən və yaralanan vardır.

Qarşıdan bütün şiələrin matəm saydıqları Məhərrəm ayı gəlir. Bir neçə gündən sonra bütün İranda kütləvi matəm mərasimləri keçiriləcək və 72 haqq-ədalət fədaisini susuzluqla imtahana çəkən Müaviyə və Yəzidə lənət yağdırılacaqdır. Guya özünü İslam Cümhuriyyəti adlandıran və bütün dünya şiələrinin rəhbəri hesab edən İran dövləti bu gün 1400 il öncə Yəzid ibn Müaviyənin Kərbəlada törətdiyi vəhşicəsinə qətliamları əz ərazisində təkrar edir, dinc əhaliyə susuzluqla divan tutur. Buna biganə qalmaq olmaz.

Əl-əhvaz (Xuzistan) sakinlərinə dəstək olmaq üçün İran İslam Cümhuriyyətinin müxtəlif bölgələrində yaşayan xalq kütlələri ayaqlanmaqda və əlləri qana bulaşmış şovinist fars hökumətinə qarşı etiraz səslərini ucaltmaqdadırlar. 24 iyul tarixində – şənbə günü Azərbaycanın Güneyindəki soydaşlarımız da məzlum ərəb qardaşlarının dərdinə ortaq və onlarla həmfikir olduqlarını sübut etmək üçün kütləvi etiraz aksiyalarına başlamaq qərarına gəlmişlər.

Biz, Bütöv Azərbaycan Ocaqları (BAO) olaraq, bütün İranda yaşayan xalqlara və Azərbaycanın Quzeydəki soydaşlarımıza müraciət edərək onları Əl-əhvaz sakinlərinin haqlı mübarizəsinə dəstək olmağa və rəsmi Tehran hökumətinə etiraz etməyə çağırırıq.

Azərbaycan Respublikasının rəsmi hökumət dairələrini və ictimai-siyasi təşkilatlarını da İİC-nin bu insanlığa zidd hərəkətlərini pisləməyə və bütün mümkün vasitələrdən istifadə edərək rəsmi Tehran hökumətinə təzyiq göstərməyə səsləyirik.

Bütöv Azərbaycan Ocaqları.

Bakı, 22 iyul 2021-ci il."

Bütöv Azərbaycan Ocaqları İranın Əl-əhvaz bölgəsindəki kütləvi etirazlarla bağlı bəyanat yaydı

  • 23-07-2021, 08:00
  • 644


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Ağdam rayon İcra Hakimyyətinin başçısı şəhidin qardaşını işdən çıxardı
  2. Smartfonu yatağınıza yaxın qoymayın - SƏBƏB
  3. MTN GENERALININ RÜŞVƏT ALDIĞI ŞƏXSLƏRİN ADLARI AÇIQLANDI - Siyahı
  4. Prokurorluq Gəncədəki ölüm hadisəsi ilə bağlı məlumat yayıb
  5. “Azərişıq”in əməkdaşını cərəyan vurub öldürdü
  6. İrəvanda Türkiyə bayrağı gəzdirənlər iranlı çıxdı?..- Ermənistan polisi...
  7. Araik Xocalı ərazisində sement zavodu acdı... YENİLƏNİB-FOTOLAR+VİDEO
  8. Sumqayıtda üçüncü dəfə evdən gedən gənc ana iki ay sonra Bakıda tapılıb
  9. Sabah Bakıda hava küləkli olacaq - Dağlıq rayonlara yağış yağacaq
  10. Sabunçunu daha kimlər TALAYIR... - İTTİHAM
«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 
MARAQLI