Tədbirdə Qobustan Rayon İcra Hakimiyyətinin başçısı Adil Məmmədov, Vətən Müharibəsi Qəhrəmanı Mirdamət Bağıyev, tərəfdaş işəgötürən müəssisə və təşkilatların rəhbərləri, mərkəzin rəhbər və pedaqoji heyəti, tələbələr və valideynlər iştirak ediblər.
Tədbir Dövlət Himninin səsləndirilməsi və torpaqlarımızın ərazi bütövlüyü uğrunda canlarını fəda etmiş şəhidlərimizin xatirəsinin bir dəqiqəlik sükutla yad edilməsi ilə başlayıb.
Çıxış edən qonaqlar peşə təhsilinin əhəmiyyətindən, təhsil müəssisələri ilə işəgötürənlər arasındakı sıx əməkdaşlığın rolundan bəhs edib, məzunlara gələcək fəaliyyətlərində uğurlar arzulayıblar.
Tədbir çərçivəsində məzunların çıxışları dinlənilib və onların təhsil müddətində qazandıqları bilik və bacarıqların müasir əmək bazarında çevik yer tapmaqlarına geniş imkanlar açdığı vurğulanıb.
Tədris ili ərzində təhsildə və nizam-intizamında xüsusi fərqlənən məzunlar fəxri fərman və hədiyyələrlə mükafatlandırılıblar.
Rəsmi hissənin ardından tədbir rəngarəng musiqi və rəqs nömrələrindən ibarət bədii hissə ilə davam edərək qonaqlara və məzunlara unudulmaz anlar yaşadıb.
