"Davamlı Turizmin İnkişafına Dəstək" İctimai Birliyi, “Ailə məktəbi” çərçivəsində Sağlam Ailə-Sağlam Millət” layihəsi ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2022-ci il kiçik qrant musabiqəsinin qalibi olmuşdur.
Layihənin məqsədi ölkəmizdə boşanmaların qarşısını qisməndə olsa almaq, millətin gələcəyi olan uşaq və gənclərin sağlam mühitdə böyümələrinə sağlam ailə modelimizin möhkəmləndirilməsinə və xöşbəxt ailələrin çoxalmasına dəstək verməkdir. Bunun üçün birlik gənclərin maarifləndirilməsini məqsədə uyğun hesab etmiş və “Ailə məktəbi” çərçivəsində "Sağlam Ailə-Sağlam Millət” layihəsinin icrasını öhtəsinə götürmüşdür.
Layihənin əsas məqsədi ölkəmizdə nigaha daxil olmaq yaşına gəlmiş və nigaha daxil olmağı planlaşdıran gənclərin öncədən "Ailə məktəbi" kursu keçməsinin vacibliyini və əhəmiyyətini cəmiyyətə çatdırmaqdır.
Bunun üçün birlik layihənin və layihədə nəzərdə tutulan mövzuların effektivliyini və gənclərin nə dərəcədə maraqlı olduğunu müəyyən etmək üçün iki qrup olmaqla altmış nəfər xanımla işləmişdir. Layihə çərçivəsində gənclərlə daha sağlam mühitdə işləmək üçün ölkəmizin cənnət güşələrindən birində maarifləndirici və əyləndirici tur təşkil etmişdir. Burada təlim, qidalanma, iki dəfə çay süfrəsi, nəfəs idmanı və psixoloji oyunlar keçirilmiş, ailənin qorunması və düzgün idarə olunması mexanizmləri haqqında ekspert Aynur Zülfüqarlı və layihənin rəhbəri Nərminə Qəribova, Səbinə Kərimova, Suriye xanim Zulfuqarova tərəfindən geniş məlumatlar verilmişdir.
29 oktyabr 2022-ci il tarixində "Ailə məktəbi"nin yekun müzakirəsi və layihə çərçivəsində hazırlanmış sosial çarxın təqdimatı həyata keçirildi.
Müzakirədə müxtəlif ekspertlər və fəal gənclər iştirak etdilər.
Müzakirənin yekununda "Ailə məktəbi" nin ölkəmizdə nigaha daxil olmağa hazırlaşan gənclərə keçirilməsi haqqında təklifə müsbət rəy verildi. Təklif Azərbaycan Respublikası Ailə, Qadın və Uşaq Problemləri üzrə Dövlət Komitəsinə və Azərbaycan Respublikası Milli Məclisinə təqdim ediləcəkdir.
Xeberdar.net
