06.01.2023-ci il tarixində Xətai rayonu T Bağırov adına 59 saylı tam orta məktəbində Təhsildə inkişaf və innovasiyalar üzrə VI Qrant müsabiqəsinin qalibi olmuş “From class to SPACE-sinifdən KAİNATA" fərdi layihəsinin yekunlaşması ilə bağlı tədbir keçirildi. Tədbirində Məktəbin direktoru Bikə Əhmədova, Xətai rayonu icra hakimiyyətinin ictimai-siyasi şöbəsinin müdiri Pənah İmanov , Xətai rayon YAP nümayəndəsi Ülvi Abbasov, Azərbaycan Respublikası Elm və Təhsil Nazirliyi Təhsildə inkişaf və inavasiyalar üzrə VI qrant müsabiqəsinin qalibi olan "From class to SPACE-sinifdən KAİNATA" layihəsində bu həftə Elm və Təhsil Nazirliyi N.Tusi adına Şamaxı Astrofizika Rəsədxanası gənc Alim və Mütəxəssislər şurasının sədri, elmi işçisi Aynurə Həsənova və onun komandası, Azərbaycan Respublikası Elm və Təhsil Nazirliyi Təhsildə inkişaf və innovasiyalar üzrə VI qrant müsabiqəsinin qalibi olan "From class to SPACE-sinifdən KAİNATA" layihəsində ekspert və “Scientix və STEM PD” üzrə Azərbaycan səfiri Aliyə Əhmədova çıxış edərək layihənin əhəmiyyəti və icrası ilə bağlı fikirlərini bildirdilər.
Layihə rəhbəri Ülkər Hüseynova layihə çərçivəsində görülən işlərdən, layihənin əhəmiyyətindən danışdı. Uğurla həyata keçirdiyini bildirərək, layihəyə dəstək olan, tədbirdə iştirak edən hər kəsə təşəkkürünü bildirdi.
Sonda layihədə iştirak edən şagirdlərə sertifikat və diplomlar təqdim edildi.
