Azərbaycanlı Türkiyədə Atatürk Dövlət Xəstəxanasına baş həkim təyin olunub

286 1-06-2024, 16:12 gundem

Azərbaycanlı Türkiyədə Atatürk Dövlət Xəstəxanasına baş həkim təyin olunubTürkiyə Cümhuriyyəti Sinop Şəhər Atatürk Dövlət Xəstəxanasına azərbaycanlı baş həkim təyin olunub. Bu şəxs Uzman Doktor İlham Qafarlıdır.

O, 1983-cü ildə Qərbi Azərbaycanın Başarkeçer rayonunun Babacan kəndində anadan olub. Orta təhsilini 1991-2001-ci illərdə Bakı şəhərindəki 202 saylı məktəbdə alıb. 2003-2009-cu illər arasında İstanbul Universiteti Cərrahpaşa Tibb Fakültəsində təhsil alıb.

2014-cü ildə Anadolu Universiteti A.Ö.F Sağlamlıq Müəssisələrinin İdarəetmə Fakültəsini, 2016-cı ildə Anadolu Universiteti A.Ö.F Səhiyyə Müəssisələrinin İdarəetmə Fakültəsini, 2016-cı ildə Anadolu Universiteti A.Ö.F Sosial Media İdarəetmə Fakültəsini bitirib.

2015-ci ilin iyun və 2017-ci il sentyabr ayları arasında Bezmialem Vəqf Universiteti Tibb Fakültəsi Tibbi Patologiya şöbəsində ixtisaslaşıb.
2017-2022-ci il illər arasında Acıbadem Mehmet Ali AYDINLAR Universiteti Tibb Fakültəsi Daxili Xəstəliklər Bölümündə ixtisas təhsilini tamamlayıb.

O, Daxili Xəstəliklər Mütəxəssisi vəzifəsini 3 fevral 2023-cü il tarixinədək davam etdirib.

2023-cü ilin Fevral ayında Durağan Şahid Hakan Tanrıqulu Dövlət Xəstəxanasında Daxili Xəstəxanalar Mütəxəssisi vəzifəsinə başlayıb. 2023-cü il martın 1-də həmin xəstəxananın baş həkimi olub. O, 22 may 2024-cü il tarixinədək baş həkim vəzifəsini davam etdirib.

22 may 2024-cü ildə Sinop Atatürk Dövlət Xəstəxanasının baş həkimi vəzifəsinə təyin edilib.

XƏBƏR LENTİ