Biləsuvar Gömrük İdarəsinin Gömrük hüqüqpozmalarına qarşı mübarizə şöbəsinə daxil olmuş məlumat əsasında idarənin "Qoşa Təpə" gömrük postunda İrandan ölkəmizə piyada gələn Azərbaycan vətəndaşı saxlanılıb.
Dövlət Gömrük Komitəsindən “APA-Economics”ə verilən məlumata görə, onun üzərində şəxsi yoxlama aparılıb. Yoxlama zamanı onun üzərindən, əynində olan alt paltarından gömrük nəzarətindən gizlədilən, selofana bükülü vəziyyətdə 2 ədəd bükümdə xalis çəkisi 150,764 qram olan narkotik vasitə - heroin aşkar olunaraq götürülüb.
Faktla bağlı araşdırma aparılır.
