Vəzifələrindən çıxarılan gömrük generalları ilə bağlı maraqlı faktlar… –Onları həbs gözləyir?

Vəzifələrindən çıxarılan gömrük generalları ilə bağlı maraqlı faktlar… –Onları həbs gözləyir?
Ötən gün Baş Prokurorluq, Dövlət Təhlükəsizliyi Xidməti və Dövlət Gömrük Komitəsi əməkdaşlarının keçirdiyi birgə əməliyyat nəticəsində dərman vasitələrinin qanunsuz dövriyyəsi ilə məşğul olan mütəşəkkil dəstənin ifşa olunması barədə məlumat yayılıb.

Əməliyyat nəticəsində Dövlət Gömrük Komitəsinin yüksək vəzifəli məmurları işdən çıxarılıb. Onlar Hava Nəqliyyatında Baş Gömrük İdarəsinin rəisi,general-mayor Sadiq Abduyev, Tibbi Xidmət İdarəsinin rəisi general-mayor Fikrət Qədiməliyev, Hava Nəqliyyatında Baş Gömrük İdarəsinin Birinci yük şöbəsinin rəisi Araz Məmmədov və başqalarıdır.

Bir neçə şəxs, yəni Məmmədli Fərman Həmzə oğlu, Xıdırov Vasif Teymur oğlu, Mehtiyev Cəmil Səlim oğlu, Atanur Ateş Adem oğlu, Məmmədov Anar Kamran oğlu, həmçinin Quliyev Əlamət Nazim oğluna müvafiq olaraq Cinayət Məcəlləsinin 200-1.2.2, 200-1.2.3 (dərman vasitələrinin qanunsuz dövriyyəsi), 206.3.2, 206.3.3 (qaçaqmalçılıq) və 314.2 (səhlənkarlıq) maddələri ilə ittiham elan olunmaqla barələrində məhkəmənin qərarları ilə həbs qətimkan tədbiri seçilib.

Xeberdar.net məlumat verir ki, “qafqazinfo” sözügedən şəxslər haqqında maraqlı məlumatlar əldə edib.

Belə ki, gömrük xidməti general-mayoru Sadiq Abduyev uzun illər bu sahədə çalışıb. Prezident tərəfindən 3-cü dərəcəli “Vətənə xidmətə görə” ordeni ilə təltif olunub. Onun böyük biznesə sahib olduğu haqqında məlumatlar var. Həyat yoldaşı Könül Abduyeva şəhərin mərkəzində yerləşən “K.aan” modalar evinin rəhbəridir.

Tibbi Xidmət İdarəsinin rəisi Fikrət Qədiməliyev 1962-ci ildə Masallı rayonunda anadan olub. İxtisaca uroloqdur. 2008-ci ildən Mərkəzi Gömrük Hospitalında çalışır. Ailəlidir, 2 övladı var. 2014- cü ildə prezident tərəfindən ona “əməkdar həkim” adı verilib.

Saytın iddiasına görə, işdən çıxarılan generalların yaxın günlərdə həbs olunacağı gözlənilir.

Həbs edilən Məmmədli Fərman Həmzəoğlu isə 2012- ci ildə gömrük işinin inkişaf etdirilməsində xüsusi xidmətlərinə, vəzifələrini ləyaqətlə yerinə yetirdiklərinə və gömrük orqanlarında səmərəli fəaliyyət göstərdiklərinə görə”dövlət qulluğunda fərqlənməyə görə” ordeniylə təltif edilib.

Vəzifələrindən çıxarılan gömrük generalları ilə bağlı maraqlı faktlar… –Onları həbs gözləyir?

  • 8-05-2018, 12:19
  • 377


Oxşar mövzular
ƏN ÇOX OXUNANLAR
Həftə üzrə / Ay üzrə
  1. 21 Azər Hərəkatı haqda nə qədər bilirik? - Rüfət Muradlı
  2. Faiq Ələkbərli dekabrın 20 də Türkiyənin Burdur şəhərində Mehmet Akif Ersoy universitetində "Türk dünyasının yeni məsələləri və həll yolları" mövzusunda konfrans keçirəcək
  3. İqbal Ağazadə: “Azərbaycanın idarəçiliyində partiyamızdan da, komandamızdan da, şəxsimdən də qat-qat zəifdirlər”
  4. Bakıda fahişəxanalar işlədən məşhur Haşımova tutuldu
  5. Bu gündən siqaretə qarşı "Səlib yürüşü" qanunu qüvvəyə mindi - XƏBƏRDARLIQ...
  6. Özəldəki həkimlərin fantastik qazancı - Günə 3-5 min manat...
  7. Damla, Şəbnəm Tovuzlu və digər məşhurların borcu üzə çıxdı - FOTOFAKTLAR
  8. Heyyy, Arabaçı!!! Yolun açıq olsun, uzaq yolun yolçusu!!!
  9. Xətai rayonunda büdcə talanı - Razim Məmmədovu ağır hesabat gözləyir....
  10. Sabahın hava proqnozu açıqlandı
«    Dekabr 2018    »
BeÇaÇCaCŞB
 12
3456789
10111213141516
17181920212223
24252627282930
31 
MARAQLI