Böyük Britaniya Kral Dəniz Qüvvələri əsgərlərə yerdən bir neçə metr hündürlükdə uçaraq hərəkət etməyə imkan verən xüsusi geyim dəstinin sınaqlarını keçirir.
“AzeriDefence”-nin məlumatına görə, uçuş dəsti sürətli manevr etməyə, mina və maneəli sahələrdən keçməyə imkan verəcək. “Gravity Industries” şirkəti tərəfindən yaradılan uçuş kostyumu hazırda Limpstondakı Xüsusi Təyinatlı Tədris Mərkəzində sınaqdan çıxarılır.
5 mühərrikə malik uçuş dəstinin kreyser sürəti 22.35 m/saniyədir. Bu qurğunun yaxın iki il ərzində sınaqlarının tamamlanması və xüsusi təyinatlılara verilməsi nəzərdə tutulur.