Həsən Həsənovun qardaşı şikayətləndi, nazirlik cavab verdi - FOTO

Həsən Həsənovun qardaşı şikayətləndi, nazirlik cavab verdi - FOTO

2014-cü ildə Kəlbəcər işğalda olarkən, dədə-baba yurdunu ziyarətə gedərək, erməni cəlladları tərəfindən qətlə yetirilən Həsən Həsənovun qardaşı Nail Həsənov Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyindən şikayətçidir.

Xeberdar.net xəbər verir ki,N.Həsənov Modern.az-a ünvanladığı şikayətində agentliyin əməkdaşları tərəfindən dəfələrlə aldadıldığını deyib:

“Bizim heç kimdən umacağımız yoxdur, heç kimdən də heç nə gözləmirik. Amma son bir neçə bayramda - Ramazanda, Qurbanlıqda mənə zəng edib rəhmətlik qardaşımın ailəsinin ünvanını istəyiblər. Bildiriblər ki, ailəyə bayramla bağlı sovqat veriləcək. Amma heç nə gətirməyiblər. Biz heç nə istəmirik, bizi incitməyin, bizi rahat buraxın”.

Şəhidin qardaşı bildirib ki, sonuncu belə zəng sentyabrın 21-də daxil olub:

“Özünü sosial fondun əməkdaşı kimi təqdim edən şəxs soruşdu ki, Həsənli Ləman Həsən qızı sizin nəyinizdir? Qardaşım qızı olduğunu bildirdim. Həmin şəxs Ləmanın şəhid qızı, məktəbli olub-olmadığını dəqiqləşdirdi. Mən də təsdiqlədim. Daha sonra isə dedi ki, Ləmana yeni dərs ili ilə bağlı məktəbli sovqatı göndəriləcək. Mən də ailəsinə bu barədə məlumat verdim, arxayın saldım ki, məktəblə bağlı heç nə almasınlar, agentlik məktəbli sovqatı göndərəcək. Məktəbə bir gün qalmış Ləmangildən öyrəndim ki, heç bir sovqat gətirilməyib. Əsəbimdən əlaqə saxlayıb həmin şəxsə sözümü dedim. Narazılıqdan sonra gecə ilə Həsəngilə ərzaq göndəriblər. Mən özüm orda olsaydım, ərzağı qəbul etməyəcəkdim. Sadəcə qardaşımın yoldaşına dil töküblər, üzrxahlıq ediblər. O da onları qapıdan qaytarmayıb. Söhbət əsla ərzaqda, yardımda deyil. Deyirlər məktəbli sovqatını səhv anlamışam, Ləmana məktəbli sovqatı düşmür. Bəs yaxşı onda niyə məktəblinin adını çəkib soruşurdunuz? Məgər sovqat yardımı təkcə məktəbliyə verilir?! Mən bir daha vurğulamaq istəyirəm ki, nə mən, nə qardaşımın ailəsi kimsədən nəsə istəmir, bizə heç kimin heç nəyi lazım deyil”.

Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov qeyd olunan problemlə bağlı Modern.az-ın sorğusuna cavab olaraq, şikayətin əsassız olduğunu bildirib:

“Sentyabrın sonuncu həftəsində sosial tərəfdaş tərəfindən həssas qruplara ərzaq yardımının siyahı üzrə paylanılması, yardımı təqdim edən qurumun nümayəndələrinin iştirakı ilə həyata keçirilib. Bağlamaların paylanılmasını reallaşdıran Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin aidiyyəti filialının əməkdaşları tərəfindən yardım Həsən Həsənovun həyat yoldaşı Vüsalə Həsənovaya şəxsən təqdim olunub.

Digər sosial tərəfdaş tərəfindən, tərəfdaşın istəyi ilə aztəminatlı ailələrin 1-ci sinif şagirdləri olan övladlarına təqdim edilən məktəb dəsti isə Vüsalə Həsənovanın iki qız övladından birinin universitetdə, digərinin isə orta məktəbin 8-ci sinfində təhsil alması səbəbindən, aidiyyəti siyahıda qeyd edilmədiyindən ailəyə təqdim edilməyib”.
Həsən Həsənovun qardaşı şikayətləndi, nazirlik cavab verdi - FOTO

Həsən Həsənovun qardaşı şikayətləndi, nazirlik cavab verdi - FOTO

  • 9-10-2021, 12:30
  • 296


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Azərbaycanda televiziya aparıcısı olan Şəbnəm Naibli Türkiyə kanalında veriliş açıb
  2. Bakı Avrasiya Universitetində tələbələrə yaradılan yeni fürsətlərdən danışılıb - FOTOLAR
  3. Bakıda 20 nömrəli məktəb-lisey koronavirusa görə bağlanıb - YENİLƏNİB
  4. Eldar Həsənov xəstəxanadan təcridxanaya qaytarılıb
  5. İRANDA TAXT-TAC DÖYÜŞLƏRİ BAŞLAYIB - Rəisinin administrasiyası islahatçıları "təmizləyiir"...
  6. Taleh Əliyev: “Nümayiş etdirdikləri birliyə görə xalqımıza minnətdarlığımı bildirirəm”
  7. Şok iddia: “Türkiyənin nüvə silahı...” - Yeni anlaşma balansı dəyişir
  8. Türkiyə hərb sənayesindən MÖHTƏŞƏM YENİLİK: SİHA-ların "gözündən" heçnə yayınmayacaq
  9. “NATO-nun qapıları Ukraynanın üzünə açıqdır” – ABŞ-ın Müdafiə naziri
  10. İctimai Birliklərin “ Mədən Sənayesində Şəffaflığın Artırılması” Koalisiyası Tarif Şurasının qərarına etiraz etdi- Mövqe
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MARAQLI