141 saylı məktəb pul yığılması barədə iddiaya münasibət bildirib

141 saylı məktəb pul yığılması barədə iddiaya münasibət bildiribBakı şəhəri, Suraxanı rayonu, 141 nömrəli tam orta məktəb pul yığılması ilə bağlı iddiaya münasibət bildirib.

Təhsil müəssisəsindən bildirilib ki, 29.05.2022-ci il tarixində (bazar günü) məktəbin 3a sinfinin valideynləri uşaqlarla birgə şəhid Tağıyev Nurağa Davud oğlunun ailəsini ziyarət etmək üçün Xaçmaz rayonuna getməyi planlaşdırıblar. Bununla əlaqədar həmin sinfin iki valideyni arasında fikir ayrılığı və mübahisə yaranıb.

"Valideynlərdən birinin atası 17.05.2022-ci il tarixdə videoçəkilişlə məktəbə gəlib və əsassız səs-küy salıb, məktəbin işçiləri ilə münaqişə yaratmağa cəhd edib, tədris prosesinin gedişinə mane olmağa çalışıb. Məsələ ilə bağlı məktəb rəhbərliyi tərəfindən Suraxanı Rayon Polis İdarəsinin 32-ci Polis Bölməsinə müraciət olunub. Onu da bildiririk ki, valideynlərin təşəbbüsü ilə nəzərdə tutulan məktəbdənkənar tədbirlərə məktəbdən müdaxilə olunmur. Həmin sinifdə və ümumiyyətlə məktəbdə heç bir vəsait toplanması olmayıb. Həmin şəxslə (valideynin atası ilə) müvafiq söhbət aparılıb, məsələnin yalnız 2 valideyn arasında yaranmış mübahisə olduğu dəqiqləşdirilib, valideynlərə müvafiq tövsiyələr verilib", - məlumatda vurğulanıb. Modaerator.az

141 saylı məktəb pul yığılması barədə iddiaya münasibət bildirib

  • 17-05-2022, 21:02
  • 303


Oxşar mövzular
«    İyun 2022    »
BeÇaÇCaCŞB
 12345
6789101112
13141516171819
20212223242526
27282930 
MARAQLI